အရင်ကအောင်မြင်မှုတွေအားလုံး ပျက်စီးသွားပြီဟု လီဗာပူးနောက်ခံလူ ဗန်ဒိုက်ဝန်ခံ

အရင်က အောင်မြင်မှုတွေဟာ အခုနှစ်ဘောလုံးရာသီမှာပျက်စီးသွားပြီဖြစ်ကြောင်း လီဗာပူးနောက်ခံလူ ဗန်ဒိုက်က ပြောသွားပါတယ်။
လီဗာပူးအသင်းဟာ အခုနှစ်ဘောလုံးရာသီမှာ ရလဒ်ပိုင်း ဆိုးရွားနေပြီး ပြည်တွင်းလိဂ်မှာ အဆင့်၇ နေရာရောက်နေသလို ချန်ပီယံလိဂ်ပြိုင်ပွဲမှာလည်း ရီးရဲလ်မက်ဒရစ်ကို ၅ ဂိုး ၂ ဂိုးနဲ့ ရှုံးနိမ့်ခဲ့ပြီး ပြိုင်ပွဲကထွက်ရဖို့ နီးစပ်နေတာပါ။
ပြီးခဲ့တဲ့ ၄-၅နှစ်ကာလ အတွင်းမှာတော့ လီဗာပူးအသင်းက ပရီးမီးယားလိဂ်နဲ့ ချန်ပီယံလိဂ် ဆုဖလားတွေအပါအဝင် ဥရောပစူပါဖလား၊ အင်္ဂလန်အက်ဖ်အေဖလားနဲ့ လိဂ်ဖလား၊ ကမ္ဘာ့ကလပ်ချန်ပီယံရှစ် အစရှိတဲ့ ပြိုင်ပွဲ ပေါင်းစုံမှာ ချန်ပီယံဆုတွေရယူနိုင်ခဲ့တာပါ။
ဒီလိုအောင်မြင်မှုတွေဟာ လက်ရှိအချိန်မှာ ပျက်စီးသွား ခဲ့ကြောင်း၊ ပြီးခဲ့တဲ့နှစ်အထိ ပြိုင်ပွဲအားလုံးမှာ ချန်ပီယံမှန်းနိုင်ခဲ့ပေမယ့် အခုနှစ်ရာသီခြေစွမ်းက အားလုံးအတွက် အံ့အားသင့်စရာဖြစ်ခဲ့ရကြောင်း ဗန်ဒိုက်ကပြောပါတယ်။
ချန်ပီယံလိဂ်ဝင်ခွင့်ရဖို့တောင် မရေမရာဖြစ်နေပေမယ့် ချန်ပီယံလိဂ်ပြိုင်ပွဲက စားခွင့်ရချင်ကြောင်းလည်း ဗန်ဒိုက်ကပြောသွားပါတယ်။