၂၀၂၁ ဖေဖော်ဝါရီ ၂၈ ရက်က  စစ်အာဏာရှင်ရဲ့အကြမ်းဖက်ပစ်ခတ်သတ်ဖြတ်မှုကြောင့် ရန်ကုန်မြို့မှာ ပထမဦးဆုံး ကျဆုံးသွားခဲ့တဲ့ ပြည်သူ ၄ ယောက်ကို  အောက်မေ့ ဂုဏ်ပြုတဲ့လှုပ်ရှားမှု ဒီကနေ့ရန်ကုန်မှာပြုလုပ်ခဲ့ကြပါတယ်။

ကျဆုံးသူတွေရဲ့  ရုပ်ပုံတွေကို ရိုက်နှိပ်ထားတဲ့ အင်္ကျီကိုဝတ်ဆင်ပြီး လွမ်းဆွတ်ခြင်းလှုပ်ရှားမှု တခုကို Yangon Revolution Force - YRFရဲ့  Soft Strike Community ရဲဘော်တွေက ရန်ကုန်မြို့နေရာအနှံ့မှာ ပြုလုပ်ခဲ့ကြတာဖြစ်ပါတယ်။  

အာဏာသိမ်းတာကိုဆန့်ကျင်ဆန္ဒပြတဲ့ ပြည်သူတွေကို စစ်ကောင်စီတပ်က သေနတ်နဲ့ ပစ်ခတ် ဖြိုခွင်းခဲ့တာကြောင့် မောင်ဇင်လင်းထက် (၂၀ နှစ်)၊ဒေါ်တင်နွဲ့ရီ (၅၉ နှစ်)၊ ကိုဟိန်းထွဋ်အောင် (၂၃ နှစ်) နဲ့ ကိုညီညီအောင်ထက်နိုင် (၂၃ နှစ်) တို့  တော်လှန်ရေးအတွင်း ရန်ကုန်မြို့မှာ ပထမဆုံး ကျဆုံးခဲ့တာဖြစ်ပါတယ်။

သူတိုကျဆုံးခြင်း ၂နှစ်ပြည့်နေ့မှာ ကျဆုံးခဲ့တဲ့ နေရာတွေအပါအဝင် ရန်ကုန်မြို့လည်နေရာအချို့မှာ လွမ်းဆွတ်ခြင်း လှုပ်ရှားမှုကို လူငယ်တွေက ပြုလုပ်ခဲ့ကြတာဖြစ်ပါတယ်။

ဓာတ်ပုံ YRF