အာဆင်နယ်ချန်ပီယံဖြစ်ပါက အာဆင်နယ်ဂျာစီဝတ်ပြမည်ဟု ဂယ်ရီနဗီးလ် ကတိပေး

အခုနှစ်ပရီးမီးယားလိဂ် ဆုဖလားကို အာဆင်နယ်အသင်းက ရယူနိုင်ခဲ့ပြီး ချန်ပီယံဖြစ်ခဲ့မယ်ဆိုရင် အာဆင်နယ်ဂျာစီကို ဝတ်ဆင်ပြမယ်လို့ ဂယ်ရီနဗီးလ်ကကတိပေးသွားပါတယ်။
မန်ယူနောက်ခံလူဟောင်း နဗီးလ်ဟာ အခုနှစ်ပရီးမီးယားလိဂ်ဆုဖလားကို မန်စီးတီးက အာဆင်နယ်ကို ကျော်ဖြတ်ပြီး ရယူနိုင်လိမ့်မယ်လို့ ခန့်မှန်းထားတာပါ။
အဲဒီလိုသုံးသပ်ချက်နဲ့ ပတ်သက်ပြီး အာဆင်နယ်သာ ချန်ပီယံဖြစ်ခဲ့ရင် နဗီးလ်အနေနဲ့ အီမရိတ်ကွင်းပေါ်မှ ကတုံးတုံးသင့်ပြီး လူမှုရေးလုပ်ငန်းတစ်ခု လုပ်ဆောင့်သင့်ကြောင်း တွစ်တာကနေ ရေးသားခဲ့ပါတယ်။
နဗီးလ်ဘက်ကတော့ အာဆင်နယ်သာ ချန်ပီယံဖြစ်ခဲ့ရင် ချန်ပီယံဆိုတဲ့စာသားပါ အာဆင်နယ်ဂျာစီကို ဝတ်ဆင်ပြမှာဖြစ်ကြောင်း၊ ချန်ပီယံ မဖြစ်ခဲ့ရင်တော့ တောင်းပန်စကား ဆိုရမှာဖြစ်ပြီး “ဆောရီး ဂယ်ရီ” လို့ပြောရမှာဖြစ်ကြောင်း ဂယ်ရီနဗီးလ်က ပြန်လည်တုံ့ပြန်ခဲ့တာပါ။
အာဆင်နယ်ဟာ လက်ကျန် ၁၃ ပွဲအလိုမှာ ဒုတိယနေရာက မန်စီးတီးကို ၅ မှတ်ဖြတ်ပြီး ဦဆောင်နေတာဖြစ်ပါတယ်။