ကွင်းလယ်လူ ကတ်စမီရိုကို ခေါ်ယူမှုဟာ လိမ္မာပါးနပ်တဲ့ ခေါ်ယူမှုတော့ မဟုတ်ကြောင်း မန်ယူဂန္ထဝင်နောက်ခံလူ ဂယ်ရီနဗီးလ်က သုံးသပ်ပါတယ်။

အသက် ၃၁ နှစ်ရှိ ဘရာဇီးကွင်းလယ်လူဟာ စပိန်ထိပ်သီး ရီးရဲလ်မက်ဒရစ်ကနေ ပေါင်သန်း ၇၀ နဲ့ ပြောင်းရွှေ့လာခဲ့တာပါ။

ယူနိုက်တက်အသင်းမှာ ခြေစွမ်းပြသနေပေမဲ့လည်း ပေးရတဲ့ပြောင်းရွှေ့ကြေးနဲ့ လုပ်ခပမာဏဟာ ကြီးမားတဲ့ ရင်းနှီးမြှုပ်နှံမှုဖြစ်ပြီး အနာဂတ်အတွက် အားကိုးရနိုင်တဲ့ ကစားသမားတွေကိုသာ ဦးစားပေးခေါ်ယူသင့်ကြောင်း နဗီးလ်က ပြောပါတယ်။

ကတ်စမီရိုထက်စာရင် အန်တိုနီနဲ့ လီဆန်ဒရိုမာတီနက်ဇ်တို့က ပိုမိုငယ်ရွယ်ပြီး အောင်ပွဲဆာလောင်စိတ် ပိုမိုပြင်းပြတဲ့ လူငယ်ကစားသမားတွေဖြစ်တယ်လို့ နဗီးလ်က ပြောပါတယ်။

နည်းပြတန်ဟတ်ဂ် အနေနဲ့လည်း အသက်အရွယ်ကြီးရင့်တဲ့ ကစားသမားထက်စာရင် အာနာဂတ်အတွက်ပါ အားကိုးရနိုင်တဲ့ ကြယ်ပွင့်ကစားသမားတွေကို ပိုပြီးအလိုရှိလိမ့်မယ်လို့ နဗီးလ်က ပြောသွားပါတယ်။