ခြေကျင်းဝတ်ဒဏ်ရာကြောင့် ရက်သတ္တပတ်အနည်းငယ် အနားယူရမယ့်အပေါ်မှာ စိတ်ပျက်မိ ကြောင်း မန်ယူတောင်ပံကစားသမား ဂါနာချိုက ပြောပါတယ်။

ဂါနာချိုဟာ ဆောက်သမ်တန်နဲ့ ဂိုးမရှိသရေကျခဲ့တဲ့ပွဲစဉ်မှာ ခြေကျင်းဝတ်ဒဏ်ရာရခဲ့လို့ စစ်ဆေးမှုတွေပြုလုပ်အပြီးမှာ ရက်သတ္တပတ် ၃ ပတ်ကနေ ၄ပတ် အထိ အနားယူရတော့မှာ ဖြစ်ပါတယ်။

ဒါဟာ ယူနိုက်တက်အသင်းအတွက် အပြင် အာဂျင်တီးနားအတွက်ပါ ကစားခွင့်ရမှာမဟုတ်တာက စိတ်ပျက်စရာဖြစ်ကြောင်း ဂါနာချိုကပြောပါတယ်။

ကလပ်အသင်းအတွက်အရေးပါတဲ့ အချိန်ကာလမှာ အကူအညီပေးနိုင်တော့မှာမဟုတ်သလို အာဂျင်တီးနားမှာ ရွေးချယ်ခံရပေမဲ့လည်း ပါဝင်နိုင်ခြင်းမရှိတော့တာဟာ စိတ် ပျက်စရာကောင်းကြောင်း ဂါနာချိုကပြောသွားပါတယ်။

အသက် ၁၈ နှစ်ရှိ ဂါနာချိုဟာ အခုနှစ် ရာသီပရီးမီးယားလိဂ် ၁၅ ပွဲမှာ ၂ ဂိုးသွင်း ၂ ကြိမ်ဂိုးဖန်တီးမှု ပြုလုပ်နိုင်ခဲ့ပါတယ်။