ပြင်သစ်အသင်းနည်းပြ ဒေးရွှန့်ဟာ အသင်းခေါင်းဆောင်သစ်ရာထူး ခန့်အပ်ရာမှာ ဂရစ်ဇ်မန်းကို ကျော်ပြီး အမ်ဘာပေကို တာဝန်ပေးခဲ့ပါတယ်။

အသက် ၂၄ နှစ်ပဲရှိသေးတဲ့ တိုက်စစ်မှူး အမ်ဘာပေဟာ ပြီးခဲ့တဲ့ ၂၀၂၂ ကမ္ဘာ့ဖလားမှာ ဂိုးအများဆုံးကစားသမားဆု ရခဲ့ပြီး ပြင်သစ်နဲ့ စုစုပေါင်း ၆၆ ပွဲမှာ ၃၆ ဂိုး သွင်းယူထားတာပါ။

အသင်းခေါင်းဆောင်တာဝန်ယူခဲ့တဲ့ ဂိုးသမား ဟူဂိုလိုရစ်က လက်ရွေးစင်ကနေ အနားယူသွားခဲ့တာကြောင့် အမ်ဘာပေကို အသင်းခေါင်းဆောင်သစ် ခန့်အပ်ခဲ့တာပါ။

အသက် ၃၂ နှစ်ရှိပြီး ပြင်သစ်အတွက် ပွဲပေါင်း ၁၁၇ ပွဲကစားပြီး ၄၂ ဂိုးသွင်းထားတဲ့ ဂရစ်ဇ်မန်းကိုတော့ ဒုတိယအသင်းခေါင်းဆောင်တာဝန် ပေးခဲ့ပါတယ်။

အဲဒီကိစ္စအပေါ် ဂရစ်ဇ်မန်းဘက်က ဝမ်းနည်းစိတ်ပျက်ခဲ့ရတာကြောင့် ပြင်သစ်အတွက် ဆက်ကစားပေးဖို့ မရေမရာဖြစ်လာခဲ့ကြောင်း L’Equipe သတင်းက ဖော်ပြသွားခဲ့ပါတယ်။

နည်းပြ ဒေးရွှန့်ကတော့ အမ်ဘာပေဟာ အသင်းခေါင်းဆောင်တဦးမှာရှိရမယ့် ရှိသင့်ရှိထိုက်တာတွေ အားလုံးရှိကြောင်း ပြောထားပါတယ်။