အာဆီယံဒေသတွင်း နိုင်ငံတွေထဲ ကိုဗစ်-၁၉ ရောဂါကူးစက်မှုနဲ့ သေဆုံးမှုနှုန်းဟာ ပြီးခဲ့တဲ့ ရက်ကထက်စာရင် အနည်းငယ် လျော့ကျလာခဲ့တယ်လို့ နေးရှင်းသတင်းတပုဒ်မှာ ဖော်ပြပါတယ်။

ဒေသတွင်းနိုင်ငံတွေထဲ ကိုဗစ်-၁၉ ရောဂါ ကူးစက်မှုအသစ် ၂၂,၁၉၇ ယောက်ရှိခဲ့ပြီး အရင်တရက်ကတော့ ၂၂,၆၅၀ ယောက်ရှိခဲ့ကာ သေဆုံးသူအသစ် ၃၉၁ ယောက်နဲ့ အရင်နေ့က ၄၁၂ ယောက်ရှိခဲ့တာမို့ ကူးစက်မှုနဲ့ သေဆုံးမှုအနည်းငယ်စီ လျော့ကျလာခဲ့တာ ဖြစ်ပါတယ်။

စင်ကာပူနိုင်ငံမှာတော့ ရောဂါကူးစက်ခံရမှုအသစ် ၂၉ ယောက်နဲ့ စုစုပေါင်းကူးစက်ခံရသူ ၆၁,၇၉၉ ယောက်ရှိလာခဲ့ပြီး အဲဒီထဲက ၆၁,၂၄၂ ယောက်ကတော့ ရောဂါပြန်လည် ပျောက်ကင်းသက်သာလာခဲ့ပြီလို့ ဆိုပါတယ်။

စင်ကာပူကုန်သွယ်ရေးနှင့်စက်မှု၀န်ကြီးဌာနကတော့ ပုဂ္ဂလိကကုမ္ပဏီတွေမှာ အလုပ်လုပ်နေကြတဲ့ ဝန်ထမ်းအရေအတွက်ကို ကန့်သတ်ဖို့ ၀န်ကြီးဌာနရဲ့ မူဝါဒနဲ့အညီ ဆောင်ရွက်နိုင်ဖို့ ၀န်ထမ်းတွေစာရင်းကို ပေးပို့ဖို့ တောင်းဆိုခဲ့ပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်မှုအသစ် ၄၈၈ ယောက်နဲ့ သေဆုံးသူအသစ် ၂ ယောက်ရှိခဲ့ပြီး စုစုပေါင်း ကူးစက်ခံရသူ ၂၆,၆၄၅ ယောက်နဲ့ သေဆုံး သူပေါင်း ၁၆၇ ယောက်ထိ ရှိလာခဲ့ပါတယ်။ တချိန်တည်းမှာပဲ ရောဂါပျောက်ကင်းသက်သာလာသူ အရေအတွက်ကတော့ ၁၇,၁၆၄ ယောက်ရှိနေတယ်လို့ သတင်းမှာဖော်ပြပါ တယ်။

ကမ္ဘောဒီးယားအစိုးရကတော့ ဖျော်ဖြေရေးဆိုင်ရာ နေရာတွေ၊ ကဇာတ်ရုံတွေ၊ အားကစားရုံတွေအပါအဝင် လူစုလူဝေးနဲ့ သွားလာလုပ်ဆောင်ကြရတဲ့ နေရာတွေကို ပိတ်ပင်ထားပြီး မြို့တော် ဖနွမ်ပင်မှာတော့ ညမထွက်ရအမိန့် ကာဖျူးထုတ်ပြန်ထားတာ ပါ။

ကမ္ဘာတဝန်းလုံးမှာတော့ ကိုဗစ်-၁၉ ရောဂါကူးစက်ခံရသူအရေအတွက်ဟာ ၁၆၇ သန်းကျော် ရှိလာခဲ့ပြီဖြစ်ပြီး သေဆုံးသူအရေအတွက်ကတော့ ၃ ဒသမ ၄ သန်းကျော်နဲ့ ရောဂါ ပြန်လည်ပျောက်ကင်းလာသူ အရေအတွက်ကတော့ ၁၄၈ သန်းနီးပါး ရှိနေတာ ဖြစ်ပါတယ်။