စစ်ကိုင်းတိုင်း၊ မြောင်မြို့နယ်၊ ချောင်းဇင်းကျေးရွာမှာ မေလ ၂၆ ရက် မွန်းလွဲ ၃ နာရီလောက်က အာဏာသိမ်းစစ်ကောင်စီအကြမ်းဖက်လက်နက်ကိုင်တပ်ဖွဲ့တွေနဲ့ ပြည်သူ့ကာကွယ်ရေးတပ်ဖွဲ့တွေ အပြန်အလှန်ပစ်ခတ်မှု ဖြစ်ခဲ့ပါတယ်။

စစ်ကောင်စီတပ်တွေက ဘုန်းကြီးကျောင်းကို အကာအကွယ်ယူပြီး လက်နက်ကြီးတွေနဲ့ ပစ်ခတ်ခဲ့တယ်လို့  ချောင်းဇင်းဒေသခံ တစ်ဦးက ပြောပါတယ်။

“စစ်ကောင်စီလူတွေက ပေါက်ချောင်းရွာဘက်ကို ပတ်တာ။ ပြီးတော့မှ ကျနော်တို့ ရွာဘက်ကိုပတ်ဝင်ခဲ့တာ။ မနက်ကတည်းက ရောက်နေတာ။ သူတို့ဘက်က စပစ်တော့ ငြာသံပေးပြီး ပြန်ပစ်တယ်” လို့ ပြောပါတယ်။

ပြည်သူ့ကာကွယ်ရေးတပ်ဖွဲ့တွေမှာ လက်နက်အင်အား နည်းတဲ့အပြင် မိုးရွာနေတဲ့အတွက် ပြန်လည်ဆုတ်ခွာ  လူစုခွဲခဲ့ကြတယ်လို့ ဆိုကြပါတယ်။ အပြန်အလှန်ပစ်ခတ်မှုတွေရှိပေမယ့် ထိခိုက်ဒဏ်ရာရသူ မရှိဘူးလို့ သိရပါတယ်။