ကိုဗစ်-၁၉ တတိယလှိုင်း ကူးစက်ခံ ထိုင်းနိုင်ငံမှာ အကျဉ်းထောင်တွေထဲက ကူး စက်မှုအသစ် ၁၂၄၃ ယောက်တွေ့ရှိခဲ့ပြီး ၃ ယောက် သေဆုံးခဲ့တယ်လို့ ဘန်ကောက်ပို့စ် သတင်းမှာ ဒီကနေ့ ဖော်ပြပါတယ်။

       ဒါကြောင့်မို့ ထိုင်းအကျဉ်းထောင်တွေထဲ ကိုဗစ်-၁၉ ရောဂါကူးစက်ခံရသူ စုစုပေါင်း ဟာ ၁၇,၁၃၈ ယောက်ထိ ရှိလာခဲ့ပြီဖြစ်တယ်လို့ အကျဉ်းဦးစီးဌာန လက်ထောက်ညွှန် ကြားရေးမှူး ဝီရာခစ် ဟန်ပရီဖန်က ပြောပါတယ်။ ဒီကူးစက်မှုအသစ်တွေ့ရှိမှုဟာ ထိုင်းနိုင်ငံတဝန်း အကျဉ်းထောင် ၁၃ ခုက ဖြစ် တယ်လို့ သူက ဆိုပါတယ်။

သေဆုံးသူ ၃ ယောက်ထဲက တယောက်ကတော့ ချင်းမိုင်ဗဟိုအကျဉ်းထောင်က အသက် ၆၂ နှစ်အရွယ် အမျိုးသားဖြစ်ပြီး ပြီးခဲ့တဲ့ မေ ၁၁ ရက်က ကိုဗစ်-၁၉ ရောဂါ ကူး စက်ခံရပြီး မောပန်းနွမ်းနယ်တဲ့ လက္ခဏာတွေ ခံစားခဲ့ရကာ ၂၆ ရက်နေ့ နေ့လည်ပိုင်းက သေဆုံးသွားခဲ့တာပါ

ဒုတိယတယောက်ကတော့ ထွန်ဘူရီအကျဉ်းထောင်က အသက် ၆၄ နှစ်အရွယ် အ မျိုးသားဖြစ်ပြီး မေ ၁၅ ရက်နေ့က မောပန်းနွမ်းနယ်ပြီး သွေးတွင်းအောက်ဆီဂျင်လျော့ နည်းတဲ့ လက္ခဏာတွေခံစားခဲ့ရပြီး ဒီကနေ့ မနက်အစောပိုင်း ၃ နာရီခွဲလောက်မှာ သေ ဆုံးသွားခဲ့တယ်လို့ ဆိုပါတယ်။

တတိယတယောက်ကတော့ ဘန်ကောက်အကျဉ်းထောင်က အသက် ၄၇ နှစ်အ ရွယ် အမျိုးသားဖြစ်ပြီး ပြီးခဲ့တဲ့ မေ ၁၀ ရက်က အဖျားကြီးပြီး အသက်ရှူစက်အကူအညီနဲ့ ဆေးရုံမှာ ကုသခဲ့ရပြီး ဒီကနေ့ မနက် ၆ နာရီခွဲလောက်မှာ သေဆုံးသွားခဲ့တယ်လို့ ဖော်ပြ ပါတယ်။       လက်ရှိမှာတော့ ထိုင်းနိုင်ငံတဝန်း ကိုဗစ်-၁၉ ရောဂါကူးစက်ခံထားရသူ စုစုပေါင်း ၁၃၅,၀၀၀ ကျော်ရှိလာခဲ့ပြီဖြစ်ကာ သေဆုံးသူပေါင်း ၈၃၂ ယောက် ရှိနေတာ ဖြစ်ပါတယ်။

Photo- Bangkok Post