ချက်နိုင်ငံ၀န်ကြီးချုပ် Andrzej Babis ဟာ ဇွန် ၂၅က နိုင်ငံတောင်ပိုင်းက လေဆင်နှာမောင်းဒဏ်ခံခဲ့ရတဲ့ ဒေသတွေကို ရောက်ရှိချိန်မှာ ဥရောပတစ်ခွင်လုံးမှ အကူအညီတွေ ကို ကမ်းလှမ်းထားတယ်လို့ ပြောပါတယ်။

 သြစတြီးယားနဲ့ ဆလိုဗက်ကီးယားတို့ရဲ့ နယ်စပ်နဲ့နီးတဲ့ Hodonin မြို့ ပတ်၀န်းကျင်က မြို့တွေ၊ရွာတွေကို ဇွန် ၂၄ ရက် ညပိုင်းက လေဆင်နှာမောင်း တိုက်ခတ်ပြီးနောက်မှာ အနည်းဆုံးလူ ၃ ဦး သေဆုံးပြီး ရာနဲ့ချီပြီး ဒဏ်ရာရရှိခဲ့ပါတယ်။ 

၀န်ကြီးချုပ် Babis ဟာ  လေဆင်နှာမောင်းဒဏ်သင့် ဒေသကို သွားရောက်ဖို့ ဘရပ်ဆဲလ်ရှိ ဥရောပကောင်စီ ထိပ်သီးအစည်းအဝေး တက်ရောက်မှုကို ဖျက်သိမ်းလိုက်ပြီး လျှပ်စစ်မီးနဲ့ရေတွေ ပြတ်တောက်ကုန်တဲ့ ကျေးရွာအတော်များများဆီကို သွားရောက်ခဲ့ပါတယ်။ 

ချက်ဘဏ္ဍာရေးဝန်ကြီး Alena Schillerova ဟာ လေဆင်နှာမောင်း တိုက်နေချိန်က တည်းက အဲ့ဒီဒေသကို ရောက်ရှိနေပြီး ဒေသခံတွေကို အရေးပေါ်ဘဏ္ဍာရေးအထောက်အပံ့ လျှောက်ထားဖို့ အကူအညီတွေ အေးနေတယ်လို့ ပြောကြားပါတယ်။

 ရာနဲ့ချီပြီး ရှာဖွေရေးနဲ့ကယ်ဆယ်ရေးအဖွဲ့တွေမှာ လုပ်ကိုင်နေသူတွေဟာ ရာနဲ့ချီတဲ့ ဒေသခံ တွေနဲ့အတူ လှုပ်ရှားဆောင်ရွက်နေကြတယ်လို့ ချက်ခ်မီးဘေးနဲ့ ကယ်ဆယ်ရေးဌာနအကြီးအကဲ Drahoslav Ryba က ပြောပါတယ်။