ချီလီနိုင်ငံရဲ့ အရွယ်ရောက်သူ လူဦးရေရဲ့ ၈၀ ရာခိုင်နှုန်းကို ကာကွယ်ဆေးထိုးနှံပေးထားတဲ့ မှတ်တိုင်တခုကို ရောက်ရှိခဲ့ပြီလို့ ချီလီကျန်းမာရေး၀န်ကြီးဌာနက ဇူလိုင် ၃၀ ရက်မှာ ကြေညာပါတယ်။

ကမ္ဘော့ဒေတာအချက်အလက်အရ ချီလီနိုင်ငံဟာ ကိုဗစ် ကာကွယ်ဆေး ထိုးနှံသူအများဆုံးရှိတဲ့ နိုင်ငံဖြစ်တယ်လို့ ကျန်းမာရေး၀န်ကြီး အန်ရီကွီပါးရစ်က ပြောကြားပါတယ်။ နိုင်ငံရဲ့ရည်ရွယ်ချက်ဟာ ချီလီလူမျိုး ၁၅ သန်း ၂ သိန်း ၈၄၀ ကို ကာကွယ်ဆေးထိုးပေးဖို့ဖြစ်တယ်လို့ ထောက်ပြခဲ့ပါတယ်။

ဆိုလိုတာကတော့ ကျနော်တို့ချီလီမှာ ကာကွယ်ဆေး အကြီးအကျယ် စထိုးပြီး ငါးလမကြာသေးချိန်မှာ ပထမအကြိမ် ကာကွယ်ဆေး  ၈၀ ရာခိုင်နှုန်းကို ထိုးပြီးနောက်မှာ ၈၀ ရာခိုင်နှုန်းမှတ်တိုင် ရောက်သွားပြီ လို့ ကျန်းမာရေးလက်ထောက်အတွင်းဝန် ပေါ်လာဒါဇာက  ပြောကြားခဲ့ပါတယ်။

ဒါပေမဲ့ချီလီအစိုးရဟာ အသက်မပြည့်သေးတဲ့လူတွေကိုလည်း ကာကွယ်ဆေးထိုးဖို့ မစီမံဘူး ဆိုရင် လူအစုလိုက် ကာကွယ်ဆေးထိုးတဲ့ ဒီမှတ်တိုင်ကို ရောက်နိုင်မှာမဟုတ်ဘူး လို့ ပြည်သူ့ကျန်းမာရေး မူဝါဒ ကျွမ်းကျင်သူ ကလာဒီရိုကတ်စ်တယ်လို့ကပြောပါတယ်။

ချီလီမှာ အသက် ၁၈ နှစ်အောက်အရွယ်လေးတွေ ဖျားနာနေပြီး သူတို့ အခြေအနေ ပိုဆိုးလာတာကြောင့် ကိုဗစ်ကြောင့်လည်းသေနိုင်တယ်ဆိုတာမမေ့ပါနဲ့လို့လည်း ပြောပါတယ်။ ရောဂါပိုးအသစ်တွေ ပေါ်ပေါက်လာတာနဲ့  ကာကွယ်ဆေးထိုးနှုန်း နှေးကွေးတဲ့ နိုင်ငံတွေအကြား ဖလှယ်တာဟာ ချီလီအတွက် စိန်ခေါ်မှုတစ်ခု ဖြစ်စေနိုင်တယ်လို့ ပညာရှင်တွေက ထောက်ပြကြပြီး တိုင်းပြည်ဟာ သူ့ရဲ့ကာကွယ်ဆေးထိုး ရည်မှန်းချက်တွေကို လိုက်လျောညီထွေ ပြုသင့်တယ်လို့လည်း အကြံပြုထားကြပါတယ်။