အေသင်မြို့မြောက်ပိုင်း တောမီး ထပ်လောင်

ဂရိနိုင်ငံ အေသင်မြို့တော်ရဲ့မြောက်ပိုင်းမှာ တောမီးတွေ သြဂုတ် ၅ ရက်က တကျော့ပြန် လောင်ကျွမ်းနေပါတယ်။
နိုင်ငံတဝန်းက တောမီးတွေကို ငြှိမ်းသတ်ဖို့ အရေးပေါ်အဖွဲ့ဝင်တွေက တတိယမြောက်နေ့ အဖြစ် ကြိုးစားနေကြဆဲပါ။ ရာသီဥတုအပူချိန်က ၄၀ ဒီဂရီ ဖာရင်ဟိုက်ရှိလို့ မီးပိုကြီးလာမှာကို အာဏာပိုင်တွေက သတိပေးထားပါတယ်။
ဒေသခံတွေကတော့ ဆင်ခြေဖုံးတွေကို စွန့်ခွာထွက်ပြေးခဲ့ကြပြီး ခိုလှုံခွင့် တောင်းခံသူ တွေကို ဘေးလွတ်ရာ ပို့ထားရပါတယ်။
အိမ်နီးချင်း တူရကီနိုင်ငံမှာလည်း တောမီးလောင်နေလို့ ဥရောပရဲ့ ဒီနှစ်နွေမှာ မီးလောင်၊ ရေကြီး၊ ဘေးသင့်တဲ့ မြင်ကွင်းတွေ ထပ်ပေါင်းထည့်သလို ဖြစ်နေတယ်လို့ ရိုက်တာသတင်းဌာနက ဖော်ပြပါတယ်။
ဂရိနိုင်ငံတဝန်း နေရာ ၁၅၀ ကျော်မှာ တောမီးတွေ လောင်နေလို့ အိမ်ခြေတွေ ပျက်စီးပြီး ဒါဇင်ချီတဲ့ မြို့ရွာတွေ ဘေးကင်းရာ ရွှေ့ပြောင်းခဲ့ရပါတယ်။ သစ်တောမြေဧက ထောင်ချီ မီးလောင် ပျက်စီးခဲ့တယ်လို့ ရိုက်တာသတင်းဌာနက ဖော်ပြပါတယ်။