ရှမ်းပြည်နယ်တောင်ပိုင်း၊ ဖယ်ခုံမြို့နယ်၊ ခေါင်းအိကျေးရွာအုပ်စု၊ လွယ်ဟွဲကျေးရွာဘက်မှာ စစ်ကောင်စီတပ်နဲ့ နယ်မြေခံပြည်သူ့ကာကွယ်ရေးတပ်ဖွဲ့ (PDF) တို့ကြား ဩဂုတ် ၁၄ ရက်မနက်ပိုင်းက စပြီး တိုက်ပွဲဖြစ်ပွားခဲ့ပါတယ်။

စစ်ကောင်စီတပ်ဟာ ပအိုဝ်းပြည်သူ့စစ်တပ်ဖွဲ့ (PNO) နဲ့ ပူးပေါင်းပြီး ဖယ်ခုံမြို့နယ် အနောက်ဘက်ခြမ်းက ပေါင်းလောင်း၊ တောင်မဲသင်း၊ ခေါင်းအိဘက်ကနေ စစ်ကြောင်း ၃ ကြောင်း ထိုးလာတာကြောင့် PDF (ဖယ်ခုံ၊ မိုးဗြဲ၊ ဒီးမော့ဆို) တပ်ဖွဲ့တွေနဲ့ ကရင်နီအမျိုးသား ကာကွယ်ရေးတပ် (KNDF) အဖွဲ့တွေက ပူးပေါင်းခုခံတိုက်ခိုက်ခဲ့တာဖြစ်ပါတယ်။

တိုက်ပွဲမှာ  ပြည်သူ့ကာကွယ်ရေးတပ်ဖွဲ့မှ ၂ ဦး ဒဏ်ရာရခဲ့တယ်လို့ ထုတ်ပြန်ထားပြီး တိုက်ပွဲကြောင့် လွယ်ဟွဲကျေးရွာက ဒေသခံ ပြည်သူလူထုတွေဟာ ဘေးလွတ်ရာကို တိမ်းရှောင်နေရပါတယ်။

အဲဒီလို စစ်ဘေးတိမ်းရှောင်လာတဲ့ လွယ်ဟွဲကျေးရွာက ပြည်သူလူထုတွေကို Free Burma Ranger (Karenni) အဖွဲ့က ကူညီဆောင်ရွက်ပေးနေတယ်လို့ သိရပါတယ်။