အိုင်ဗရီကို့စ်နိုင်ငံရဲ့ စီးပွားရေးမြို့တော်အဘစ်ဂျန်မှာ ကျန်းမာရေးလုပ်သားတွေကို  သြဂုတ် ၁၆ ရက်က အီဘိုလာရောဂါ ကာကွယ်ဆေး စတင်ထိုးနှံပေးနေပါတယ်။

လူသေစေနိုင်တဲ့ ဗိုင်းရပ်စ် လူတယောက်ကို ကူးစက်ခဲ့တယ်လို့ သီတင်းပတ်ကုန်ရက်က အတည်ပြုအပြီးမှာ ခုလို ကာကွယ်ဆေးထိုးပေးနေတာပါ။

အိမ်နိးချင်း ဂီနီနိုင်ငံကနေ ဘတ်စ်ကားစီးပြီး အဘစ်ဂျန်ကို ပြန်လာတဲ့ အသက် ၁၈ နှစ်အရွယ် အမျိုးသမီးမှာ အီဘိုလာဗိုင်းရပ်စ် ကူးစက်နေတာကို သြဂုတ် ၁၄ ရက်က စမ်းသပ် တွေ့ရှိခဲ့တာပါ။

ဒါဟာ ၂၅ နှစ်အတွင်း အိုင်ဗရီကို့စ်မှာ အီဘိုလာဗိုင်းရပ်စ် ကူးစက်ခံရတဲ့ ပထမဆုံး အတည်ပြုချက်လည်း ဖြစ်ပါတယ်။

နိုင်ငံထဲမှာ အီဘိုလာရောဂါကာကွယ်ဆေး ထိုးဆေးလုံးရေ ၅,၀၀၀ ရှိတယ်လို့ ကျန်းမာရေး ဝန်ကြီးဌာနက ပြောထားပါတယ်။

အဲဒီအမျိုးသမီးနဲ့ ထိတွေ့ထားတဲ့လူ ၉ ယောက်ကို ကျန်းမာရေး အာဏာပိုင်တွေက ဖော်ထုတ်ထားပြီး ကူးစက်ခံနဲ့ ထိတွေ့သံသယရှိသူတွေ ဆေးရုံရောက်နေပြီလို့လည်း ကမ္ဘာ့ကျန်းမာရေးအဖွဲ့ကြီး (WHO) က အစီရင်ခံစာ ထုတ်ပြန်ထားပါတယ်။

လူဦးရေ ၄ သန်းကျော် နေထိုင်ပြီး လူနေသိပ်သည်းတဲ့ အဘစ်ဂျန်မှာ ဗိုင်းရပ်စ်ကို တွေ့ရတာ နက်နက်ရှိုင်းရှိုင်း စိုးရိမ်တယ်လို့ WHO က ပြောပါတယ်။