ရေကြည်မြို့နယ် အသုတ်မြို့မှာ သြဂုတ်လ ၁၈ ရက်​နေ့ မနက်ပိုင်းမှာ စစ်တပ်သတင်း​ပေး ဦး၀င်းနိုင်ဦး ​သေနတ်နဲ့ ပစ်ခံ​ရတာကြောင့် သေဆုံး​သွားတယ်လို့ အသုတ်မြို့ခံတွေက ပြောပါတယ်။

ဦး၀င်းနိုင်ဦးဟာ အသုတ်မြို့မှာ ဆိုင်ကယ်အရောင်းအဝယ်အလုပ်သူဖြစ်ပြီးသြဂုတ်လ ၁၈ ရက်​နေ့ မနက် ၇ နာရီခွဲလောက်က ဆိုင်ရှေ့မှာ ထိုင်နေချိန် အမည်မသိလက်နက်ကိုင်အဖွဲ့က ဆိုင်ကယ်နဲ့ လာရောက် ပစ်ခတ်သွားတာလို့ အသုတ်မြို့ခံတစ်ဦးက ပြောပါတယ်။

"အသုတ်မှာ စစ်တပ်သတင်း​ပေးသူ​ပေါ့။ သူက ​နွေဦး​တော်လှန်​ရေး လှုပ်ရှားမှု​တွေနဲ့ ပတ်သက်ပြီး တပ်သတင်း​ပေးလုပ်​နေတာ။ ​​သေနတ်ပစ်ခံရပြီး နှလုံးထိတယ်။ ​​​ဆေးရုံမှာ ဆုံးတယ်၊ ဒလန်​ ​သေနတ်နဲ့ပစ်ခံရတာ အသုတ်မှာပထမဆုံးအကြိမ်၊ သူ့ဆိုင်မှာ အရင်လက ဗုံးကွဲတာလည်း ဖြစ်တယ်" လို့ ​ပြောပါတယ်။

လက်ရှိအချိန်မှာ စစ်တပ်နဲ့ရဲတွေ လုံခြုံ​ရေးတင်းကျပ်စစ်​ဆေးတာတွေ လုပ်​နေ​ကြောင်း သိရှိရပါတယ်။