မန်ယူနိုက်တက်အသင်းကို စီရော်နယ်ဒိုကို ပြန်ရောက်လာတဲ့အပေါ် ပျော်ရွှင်တယ်လို့ မပြောနိုင် ကြောင်း လစ်ဗာပူးနည်းပြ ယာဂန်ကလော့ပ်ကပြောပါတယ်။

ရော်နယ်ဒိုအနေနဲ့ ဂျူဗင်တပ်အသင်းကနေ ထွက်ခွါခဲ့တာက အံ့အားသင့်စရာဖြစ်ပြီး ယူနိုက်တက်ဆီမပြောင်းရွှေ့ခင် ကောလဟလ သတင်းတွေကြားကတည်းက မယုံနိုင်ခဲ့တာဖြစ်တယ်လို့ ကလော့ပ်ကပြောပါတယ်။

ယူနိုက်တက်အသင်းဆီပြောင်းရွှေ့လာခဲ့တဲ့အချိန်မှာတော့ ယူနိုက်တက်အသင်းအတွက် ပျော်ရွှင်ကျေနပ်စရာဖြစ်တယ်လို့ တွေးမိကြောင်း၊ ယူနိုက်တက်အနေနဲ့ သူတို့လိုချင်တာကို ရအောင်လုပ်ဆောင်နိုင်ခဲ့ကြောင်း ယာဂန်ကလော့ပ်က မှတ်ချက်ပေးပါတယ်။

ဒါပေမဲ့ ရော်နယ်ဒိုအနေနဲ့ ယူနိုက်တက်ကို ပြန်ရောက်လာတဲ့အပေါ် " ကျွန်တော်ပျော်ရွှင်ရပါတယ်” လို့တော့ မပြောနိုင်ကြောင်း လစ်ဗာပူးနည်းပြ ကလော့ပ်က ဟာသလုပ်ပြီး ပြောခဲ့တာဖြစ်ပါတယ်။

ရော်နယ်ဒိုဟာ မန်ယူအသင်းတွက် ပထမဆုံး တကျော့ပြန်ကစားတဲ့  နယူးကာဆယ်နဲ့ ပွဲစဉ်မှာ အနိုင်ဂိုး၂ ဂိုးသွင်းယူနိုင်ခဲ့ပြီး ယူနိုက်တက်လည်း ၄ ဂိုး ၁ ဂိုးနဲ့အနိုင်ရခဲ့ပါတယ်။