ဖိုင်ဇာကာကွယ်ဆေး အိုမီခရွန်ကို တစိတ်တပိုင်းသာ အကာအကွယ်ပေးနိုင်
3
ဖိုင်ဇာကာကွယ်ဆေးထိုးတာဟာ အိုမိခရွန်ကိုဗစ် ဗိုင်းရပ်စ်ကို တစိတ်တပိုင်းသာ အကာအကွယ်ပေးနိုင်မယ်လို့ တောင်အာဖရိကအခြေစိုက် အာဖရိကကျန်းမာရေး သုတေသနဌာန (AHRI) ရဲ့ အမှုဆောင်ဒါရိုက်တာ ပါမောက္ခ ဝဲလမ် ဟနီကွန်မ်က ပြောပါတယ်။
“အိုမီခရွန်ဟာ ဖိုင်ဇာကာကွယ်ဆေးရဲ့ စွမ်းဆောင်ရည် အကျိုးအာနိသင်တွေကနေ လွတ်မြောက်နေတာ အဓိကတွေ့ရှိချက်ပါ။ လောလောဆယ်တော့ ဖိုင်ဇာကာကွယ်ဆေးထိုးပြီးတဲ့ လူတွေကို အိုမီခရွန်ဗိုင်းရပ်စ်ကနေ ကာကွယ်ပေးနိုင်သလား မပေးနိုင်ဘူးလား ဆိုတာကို အများကြီး လေ့လာဖို့ လိုနေပါတယ်။”
ဖိုင်ဇာကာကွယ်ဆေးထိုးပြီးတဲ့ သူတွေဆီက သွေးယူပြီး အိုမီခရွန်ကို ဘယ်လောက်ထိ တုံ့ပြန်သလဲ လေ့လာကြည့်တဲ့အခါမှာ အိုမီခရွန်ဗိုင်းရပ်ကို တိုက်ခိုက်ဖို့ စွမ်းဆောင်ရည် သိပ်မရှိတာ တွေ့ရှိပါတယ်လို့ သတိပေးသွားပါတယ်။
