အမေရိကန်နိုင်ငံ၊ တက္ကဆက်ပြည်နယ်၊ ဟူစတန်မြို့နားက ဒီဇင်ဘာ ၁၂ ရက်နေ့ ဆုတောင်းပွဲမှာ သေနတ်နဲ့ ပစ်ခတ်ခံရလို့ လူ ၁ ယောက် သေဆုံးပြီး ၁၄ ယောက် ဒဏ်ရာရတယ်လို့ မြို့နယ် အုပ်ချုပ်ရေး အရာရှိတယောက်က ပြောပါတယ်။

“ဆုတောင်းပွဲအတွက် လူအုပ်ကြီး စုဝေးနေတုန်း ကားတစီး ချဉ်းကပ်လာပြီး တယောက်ယောက်က သေနတ်နဲ့ ပစ်လိုက်တာ။ ဒဏ်ရာရသူ ၁၄ ယောက်ထဲက ၃ ယောက်က အသည်းအသန် အခြေအနေမှာ ရှိနေတယ်” လို့ ဟာရစ်မြို့နယ် အုပ်ချုပ်ရေးအရာရှိ အဒ်ဂွန်ဇာလဲ့ဇ်ကတွစ်တာ လူမှုကွန်ရက်ပေါ်ကနေ ပြောပါတယ်။

ပစ်ခတ်ခံရတာကြောင့် သေဆုံးသူတယောက်အတွက် ဆုတောင်းပွဲလုပ်နေတုန်း ပစ်ခတ်ခံရတာလို့ ဟူစတန်ခရိုနီကယ် သတင်းမှာ ဖော်ပြထားပါတယ်။