ခရိုင်းမီးယားဒေသအနီး ယူကရိန်းတပ်ဖွဲ့ တင့်ကားဖျက်လေ့ကျင့်

FILE PHOTO: A serviceman of the Ukrainian Armed Forces takes part in military drills at a training ground near the border with Russian-annexed Crimea in Kherson region, Ukraine, in this handout picture released by the General Staff of the Armed Forces of Ukraine press service November 17, 2021. Press Service of General Staff of the Armed Forces of Ukraine/Handout via REUTERS/File Photo

Published By DVB | 16 December, 2021

ရုရှားသိမ်းပိုက်ထားတဲ့ ခရိုင်းမီးယားအနီးမှာ ယူကရိန်းက တင့်ကားဖျက်လေ့ကျင့်မှုတွေ ပြုလုပ်နေတဲ့ ဗွီဒီယိုဖိုင်ကို ဒီဇင်ဘာ ၁၅ ရက်က ထုတ်ပြန်ခဲ့ပါတယ်။

ပစ်မှတ်လေ့ကျင့်မှုအတွက် သေနတ်တွေ ပြင်ဆင်နေတဲ့ စစ်မှုထမ်းအဖွဲ့ဝင်တွေကို ပြသထားတဲ့ ဗွီဒီယိုကို ယူကရိန်း ပူးတွဲတပ်ဖွဲ့စစ်ဆင်ရေးက ထုတ်ပြန်ခဲ့တာပါ။

ယူကရိန်းက ရုရှားဟာ ဖြစ်လာနိုင်ခြေရှိတဲ့ စစ်ရေးထိုးစစ်အတွက် ကြိုတင်ပြင်ဆင်မှုအနေနဲ့ တပ်ဖွဲ့ဝင် တစ်သိန်းလောက်ကို စုစည်းထားတာလို့ စွပ်စွဲလိုက်ပြီး ယူကရိန်းနိုင်ငံ အရှေ့ပိုင်း Donbass ဒေသမှာဖြစ်နေတဲ့ ပဋိပက္ခကနေ အိမ်နီးချင်းနိုင်ငံတွေကြား စစ်ပွဲဖြစ်လာနိုင်ခြေ ရောက်လာမှာကို စိုးရိမ်မှုတွေ တိုးလာနေပါတယ်။

မော်စကိုကတော့ သူ့ရဲ့လှုပ်ရှားမှုတွေဟာ ခံစစ်သက်သက်ဖြစ်ပြီး သူ့နယ်မြေတဝိုက်မှာ တပ်တွေကို သင့်သလို ရွှေ့ပြောင်းပိုင်ခွင့်ရှိတယ်လို့ ပြောဆိုခဲ့ပါတယ်။

ရုရှားဟာ ယူကရိန်းရဲ့ခရိုင်းမီးယားဒေသကို ၂၀၁၄ ခုနှစ်က သိမ်းယူခဲ့ပြီး အဲ့ဒီနှစ်မှာပဲ ယူကရိန်း အရှေ့ပိုင်းကို သိမ်းပိုက်ခဲ့တဲ့ ရုရှားကိုထောက်ခံတဲ့ ခွဲထွက်ရေးသမားတွေကို ထောက်ခံအားပေးခဲ့ ပါတယ်။