ကပ်ဘေးကာလအတွင်း ကာကွယ်ဆေးမထိုးတဲ့ ကစားသမားတွေကို လစာ ဖြတ်တောက်သင့်ကြောင်း  ၀ါရင့်အီတလီနည်းပြ ကာပယ်လိုက ပြောကြားလိုက်ပါတယ်။ 

ကာကွယ်ဆေးမထိုးတာဟာ လူ့အဖွဲ့အစည်းကို ဖျက်ဆီးသလိုပဲဖြစ်ပြီး ဒါဟာ တကိုယ်ကောင်းဆန်တဲ့ အပြုအမူဖြစ်ကာ ဒီလိုငြင်းဆန်တာကို ခွင့်မပြုသင့်ကြောင်း၊ ဒီလို ကစားသမားတွေကို လစာငွေဖြတ်တောက်ပြီး အရေးယူသင့်တယ်လို့ ဆိုပါတယ်။

စီးရီးအေပြိုင်ပွဲမှာ  ကာကွယ်ဆေးထိုးဖို့  ငြင်းဆန်နေတဲ့ ကစားသမားအချို့ ရှိနေသေး သောကြောင့် ကာပယ်လိုက  ပြောကြားခဲ့တာပါ။

ကိုဗစ်ကူးစက်မှု မြင့်တက်လာသောကြောင့် စီးရီးအေပြိုင်ပွဲတွေ ပရိသတ်ဝင်ရောက်ကြည့်ရှုခွင့်ကို လျှော့ချထားတယ်လို့ သိရပါတယ်။