လေဗာကူဆန်က  အော့စဘာဂ်အသင်းကို ၅ ဂိုး၊ ၁ ဂိုးနဲ့ အနိုင်ရတဲ့ စနေနေ့ည ဘွန်ဒတ်စ်လီဂါ ပွဲစဉ်မှာ မူဆာဒီယာဘီက ဟတ်ထရစ်  ၃ ဂိုးသွင်းနိုင်ခဲ့ပါတယ်။

လေဗာကူဆန် အိမ်ကွင်းမှာ ကစားတဲ့ပွဲမှာ ပထမ ၁၀ မိနစ်မှာကတည်းက ကာရင်းက တဂိုးသွင်းပြီး တဂိုးအသာနဲ့ ဦးဆောင်နိုင်ခဲ့ပါတယ်။

၂၄ မိနစ်မှာ ဒီယာဘီက အသင်းအတွက် ဒုတိယဂိုး သွင်းပါတယ်။ ဒုတိယပိုင်း ၆၂ မိနစ်မှာ အော့စဘာဂ်အသင်းက ချေပဂိုး တဂိုးပြန်သွင်းပါတယ်။ နောက်ထပ် ၄ မိနစ်အတွင်းမှာပဲ ဒီယာဘီက နှစ်ဂိုး ပြန်သွင်းပါတယ်။

ပွဲပြီးခါနီး ၈၁ မိနစ်မှာ လေဗာကူဆင်ဘက်က လူးကက်စ်အယ်လာရီယိုက တဂိုး ထပ်သွင်းတဲ့အတွက် ၅ ဂိုး ၁ ဂိုးနဲ့ ပြတ်ပြတ်သားသား အနိုင်ရခဲ့ပါတယ်။

လေဗာကူဆန်အသင်းဟာ ဘွန်ဒတ်စ်လီဂါ အမှတ်ပေးဇယားမှ နံပါတ် ၃ နေရာမှာ ရှိပါတယ်။ ဒုတိယနေရာမှာ ရှိနေတဲ့ ဒေါ့မွန်အသင်းက ၈ မှတ် နည်းပြီး၊ နံပါတ် ၄ နေရာမှာ ယူနီယံဘာလင် အသင်းနဲ့ ၁ မှတ်အသာမှာ ရပ်တည်နေတာ ဖြစ်ပါတယ်။