ဗင်နီဇွဲလားတွင် စစ်ရဟတ်ယာဉ်ပျက်ကျပြီး စစ်ဘက်အရာရှိ ၂ ဦး သေဆုံး

3
ဗင်နီဇွဲလားနိုင်ငံအနောက်ပိုင်း လာရာပြည်နယ်မှာ စစ်ရဟတ်ယာဉ်တစီး ဖေဖော်ဝါရီ ၂၂ ရက်က ပျက်ကျခဲ့လို့ စစ်ဘက်အရာရှိ ၂ ယောက် သေဆုံးပြီး တခြားလူ ၂ ယောက် ဒဏ်ရာရခဲ့တယ်လို့ သမ္မတ နီကိုးလပ်စ်မာဒူရိုက ပြောပါတယ်။
ရဟတ်ယာဉ်ဟာ ရုရှားနိုင်ငံလုပ်ဖြစ်ပြီး ဗင်နီဇွဲလား စစ်တပ်က ပိုင်တာပါ။ ရဟတ်ယာဉ်ထဲက လူ ၂ ယောက်ဟာ ဒေသခံတွေရဲ့ အကူအညီနဲ့ မီးတောက်တွေကြားက ထွက်လာနိုင်ခဲ့တယ်လို့ မျက်မြင်သက်သေတယောက်က ရိုက်တာ သတင်းဌာနကို ပြောပါတယ်။
ရဟတ်ယာဉ်ပျက်ကျရတဲ့ အကြောင်းရင်းနဲ့ ပတ်သက်တဲ့ သတင်းအချက်အလက်တွေကို ဗင်နီဇွဲလား အာဏာပိုင်တွေက မထုတ်ပြန်သေးပါဘူး။