ယူကရိန်းအရှေ့မြောက်ဘက် ဆူမီမြို့ကို ရုရှားလေကြောင်းက တိုက်ခိုက်ခဲ့ပြီးနောက် ရုရှား စစ်ယာဉ်တွေကို ပြန်လည်ဖျက်ဆီးနိုင်ခဲ့တဲ့ ဗွီဒီယိုရုပ်သံကို ယူကရိန်းမြေပြင်တပ်ဖွဲ့က မတ် ၈ ရက်က ပြသခဲ့ပါတယ်။
ရုရှားတင့်ကားတန်းကို ဖျက်ဆီးနိုင်ခဲ့ပြီး လက်နက်တွေ အမြောက်အမြား ရရှိခဲ့လို့ ကျေးဇူးကြီးကြောင်းနဲ့ ယူကရိန်းအတွက် ဂုဏ်ယူစရာပဲဖြစ်ကြောင်း ယူကရိန်းစစ်သားတဦးက ပြောပါတယ်။
ယူကရိန်းစစ်သည်တွေက ရုရှား လက်နက်ခဲယမ်းသေတ္တာတွေကိုလည်း ဖမ်းဆီးရမိခဲ့ပါတယ်။
မတ်လ ၇ ရက် ညနေပိုင်း ရုရှားလေကြောင်းတိုက်ခိုက်မှုကြောင့် ကလေးတွေ အပါအဝင် အရပ်သား ၂၁ ဦး သေဆုံးခဲ့သလို ဒေသခံတွေနဲ့ ဆူမီမြို့ တက္ကသိုလ်တွေမှာ ပညာသင်ယူနေတဲ့ နိုင်ငံခြားသား ၁,၇၀၀ လောက်ကိုလည်း ယာယီအပစ်ရပ်စခန်းမှာ ပြောင်းရွှေ့ နေရာချထားပေးပါတယ်။