အင်္ဂလန်အက်ဖ်အေဖလား အကြိုဗိုလ်လုပွဲမှာ မန်စီးတီးနဲ့ လီဗာပူးအသင်းတို့ ထိပ်တိုက်တွေ့ဆုံခဲ့ ပါတယ်။ 

ကွာတားဖိုင်နယ်ပွဲစဉ်တွေအတွက် မဲခွဲပြီးကတည်းက တွေ့ဆုံဖို့ရှိခဲ့တဲ့ ထိပ်သီး ၂ သင်းဟာ  ပြိုင်ဘက်တွေကို အသီးသီးအနိုင်ရခဲ့တာကြောင့် ဆီမီးဖိုင်နယ်မှာ တွေ့ဆုံခဲ့ကြတာပါ။ 

မနေ့ညက ကစားသွားတဲ့ ကွာတားဖိုင်နယ်ပွဲစဉ်တွေမှာ မန်စီးတီးက ဆောက်သမ်တန်အသင်းကို ၄ ဂိုး ၁ ဂိုးနဲ့ အနိုင်ရပြီး အကြိုဗိုလ်လုပွဲတက်ခဲ့တာပါ။ လီဗာပူးကတော့ နောတင်ဟမ်ဖောရက်စ်ကို ၁ ဂိုး ဂိုးမရှိ နဲ့ အနိုင်ရခဲ့တာပါ။ 

တခြားကွာတားပွဲစဉ်တွေမှာတော့ ချဲလ်ဆီးက မစ်ဒယ်ဘရော့ကို ၂ ဂိုး ဂိုးမရှိနဲ့ အနိုင်ရခဲ့ပြီး အဲဗာတန်ကို ၄ ဂိုး ဂိုးမရှိနဲ့ အနိုင်ယူလာတဲ့ ခရစ္စတယ်ပဲလေ့နဲ့ တွေ့ဆုံပါတယ်။ အကြိုဗိုလ်လုပွဲ ၂ ပွဲကို လာမယ့် ဧပြီ ၁၆ ရက်နဲ့ ၁၇ ရက်တွေ ဝင်ဘလေကွင်းမှာ ယှဉ်ပြိုင်ကြမှာပါ။ 

မန်စီးတီးနဲ့ လီဗာပူးအသင်းတို့ဟာ အကြိုဗိုလ်လုပွဲမတိုင်ခင် ဧပြီ ၁၀ ရက်မှာလည်း ပရီးမီးယား လိဂ်ပွဲစဉ်အနေနဲ့ အီတီဟတ်ကွင်းမှာ ယှဉ်ပြိုင်ကစားရသွားရမှာဖြစ်ပါတယ်။