တောင်ထူတဲ့ နီပေါနိုင်ငံက ပုဂ္ဂလိက လေကြောင်းလိုင်းပိုင် လေယာဉ်တစီးဟာ ခရီးသည်နဲ့ လေယာဉ်မှုထမ်း  ၂၂ ဦးကို တင်ဆောင်ပျံသန်းရင်း မေ ၂၉ ရက်က ပျောက်ဆုံးခဲ့ပါတယ်။

ရေဒါက ဖမ်းမိတဲ့ နောက်ဆုံးနေရာမှာ တိမ်ထူနေလို့ ရှာဖွေရေး ရဟတ်ယာဉ်တွေ ပျံသန်းလို့ မရဘဲ ဖြစ်နေတယ်လို့ အရာရှိတွေက ပြောပါတယ်။

လေယာဉ်ဟာ ခတ္တမန္ဒူမြို့တော်ရဲ့ အနောက်ဘက် မိုင် ၈၀ အကွာ ပိုခါရာ မြို့ကနေ ပျံသန်းလာပြီး အနောက်မြောက်ဘက် ကီလို ၈၀ အကွာက ဂျွန်ဆွန်မ်မြို့ဆီကို ထွက်ခွာခဲ့တာလို့ အရာရှိတွေက ပြောပါတယ်။

ခရီးသည် ၁၉ ယောက်ထဲမှာ ဂျာမန် နိုင်ငံသား ၂ ယောက်၊ အိန္ဒိယ နိုင်ငံသား ၄ ယောက်နဲ့ နီပေါ နိုင်ငံသား ၁၃ ယောက် ပါတယ်။ 

ဧဝရတ်တောင် အပါအဝင် ကမ္ဘာ့အမြင့်ဆုံး တောင် ၁၄ လုံးထဲက ၈လုံး တည်ရှိရာ နီပေါနိုင်ငံမှာ လေယာဉ်မတော်တဆမှု မှတ်တမ်းတွေ ရှိထားပါတယ်။