တရုတ်နိုင်ငံရဲ့ စီးပွားရေးမြို့တော် ရှန်ဟိုင်းမှာ ပြင်းထန်တဲ့ ကိုဗစ်-၁၉ ဆိုင်ရာ လော့ဒေါင်း ကန့်သတ်ပိတ်ဆို့ချက်တွေ ဇွန် ၁ ရက် သန်းခေါင်ယံမှာ ရုပ်သိမ်းလိုက်ပါတယ်။

မြို့ရဲ့ ပြင်သစ်ရပ်ကွက်ဟောင်းမှာ လူတစု စုရုံးခဲ့ပြီး ကန့်သတ်ချက် ပယ်ဖျက်လိုက်ပြီလို့ အော်ရင်း ရှန်ပိန်အရက်ခွက်ချင်း တိုက်ခဲ့ကြပါတယ်။

ဒင်းမ်ဆန်းရောင်းတဲ့ဆိုင်မှာတော့ ညသန်းခေါင်ကြီး ဝန်ထမ်းတွေ ပိုးသတ်နေပြီး ပစ္စည်းစာရင်း လုပ်နေကြတာပါ။

၂ လကြာ ရောဂါခြေချုပ်ကာလမှာ ရွှေ့ပြောင်းလုပ်သား အများအပြား ရှန်ဟိုင်းမှာ ပိတ်မိနေခဲ့ကြလို့ သူတို့ဇာတိမြေကို မပြန်နိုင် ဖြစ်ခဲ့ကြပါတယ်။

အသက် ၂၈ နှစ်အရွယ် ဝမ်ဟောင်က “ကျနော် လမ်းပေါ်မှာ လူတွေကို မတွေ့ရတာကြာပြီ” လို့ ပြောပါတယ်။

နောက် အမျိုးသားတဦးက “လွတ်လပ်ရေးလို့ အော်ရင်း ကျနော် ဒါကို ကျင့်သားမရမှာတောင် စိုးရိမ်တယ်” လို့ ပြောခဲ့ပါတယ်။

ရှန်ဟိုင်းမြို့ခံ ၂၅ သန်းထဲက အများစုဟာ ခုတော့ အိမ်မှထွက်တာ၊ လုပ်ငန်းခွင် ပြန်ဝင်တာ၊ အများပြည်သူ သယ်ယူပို့ဆောင်ရေးစနစ်ကို သုံးတာတွေအပြင် သူတို့ရဲ့ ကားတွေကို ပြန်လည်း မောင်းနေကြပြီဖြစ်ပါတယ်။