ယူကရိန်နိုင်ငံထဲက ပင်လယ်နက်ဆိပ်ကမ်းမြို့ မိုင်ကိုလိုင်ယွန် ရဲ့ ကောက်ပဲသီးနှံ သိုလှောင်ရေး စခန်းဟာ ရုရှားရဲ့ လက်နက်ကြီးနဲ့ တိုက်ခိုက်မှုကြောင့် မီးလောင်နေတဲ့ အပျက်အစီးအဖြစ်ပဲ ကျန်တော့တယ်လို့ ယူကရိန်း အာဏာပိုင်တွေက ပြောပါတယ်။

ရုရှားက ပစ်ခတ်ပြီး တပတ်အကြာ ဆိပ်ကမ်းမှာ မီးတောက်နေတဲ့ နေကြာစေ့  အစုလိုက် အပုံလိုက်ကို ဇွန် ၁၂ ရက် က မီဒီယာတွေ ထုတ်ဖော်ပြသခဲ့ပါတယ်။

အပျက်အစီးတွေထဲမှာ မီးအသစ် ထပ်လောင်ခဲ့ရင် မီးငြှိမ်းသတ်ဖို့ မီးသတ်ကား တစ်စီး အသင့်အနေအထားနဲ့ ရပ်ထားရပါတယ်။

ပြီးခဲ့တဲ့ သီတင်းပတ်ကုန်ရက်က ရုရှားရဲ့ ပစ်ခတ်မှုကြောင့် ပျက်စီးသွားတဲ့ ကုန်လှောင်ရုံတွေမှာ စပါးတန်ချိန် ၃ သိန်းအထိ သိုလှောင်ထားနိုင်တယ်လို့ စိုက်ပျိုးရေးလက်ထောက်ဝန်ကြီး တာရတ်စ် ဝစ်ဆော့စကီက ဇွန် ၁၁ ရက် မှာ ပြောခဲ့ပါတယ်။

မိုင်ကိုလိုင်ယွန်မြို့ဟာ ယူကရိန်းရဲ့ အကြီးဆုံး စိုက်ပျိုးရေး ကုန်စည် ဂိတ်ရှိရာ နေရာပါ။ ဖေဖော်ဝါရီ ၂၄ ရက် စစ်ပွဲစချိန်က ဒီမြို့ရဲ့ ကုန်လှောင်ရုံတွေထဲမှာ ကောက်ပဲသီးနှံ တန်ချိန် ၂ သိန်းခွဲကနေ ၃ သိန်း အထိ သိုလှောင်ထားတယ်လို့ ဝစ်ဆော့စကီက ပြောခဲ့ပါတယ်။