ဆေးစစ်မှုအောင်မြင်ခဲ့သည့် မာနေးကို ဘိုင်ယန်အသင်း တရားဝင်မိတ်ဆက်ပွဲပြုလုပ်မည်
ဆေးစစ်မှုအောင်မြင်ခဲ့တဲ့ မာနေးကို ဘိုင်ယန်မြူးနစ်အသင်းက တရားဝင်မိတ်ဆက်ပွဲ ပြုလုပ်တော့မှာ ဖြစ်ပါတယ်။
မာနေးဟာ မွေးရပ်မြေ ဆီနီဂေါကနေ အင်္ဂါနေ့က ဘိုင်ယန်မြူးနစ်အသင်းဆီကို ရောက်ရှိလာခဲ့ပြီးနောက် ဆေးစစ်မှုပြုလုပ်ခဲ့ပါတယ်။
ဘိုင်ယန်မြူးနစ်အသင်းဂျာစီနဲ့အတူ ပထမဆုံးအကြိမ် မြင်တွေ့ရတဲ့ မာနေးဟာ ဆေးစစ်မှုအောင်မြင်ခဲ့ပြီး ဗုဒ္ဓဟူးနေ့မှာ အသင်းဘက်က တရားဝင်မိတ်ဆက်ပွဲ ပြုလုပ်ပေးတော့မှာ ဖြစ်ပါတယ်။
မာနေးအတွက် ဘိုင်ယန်အသင်းက လီဗာပူးကို ပေါင် ၃၅ ဒသမ ၁ သန်း ပေးချေခဲ့ရပြီး အိမ်ကွင်းမှာ တရားဝင်မိတ်ဆက်ပွဲ ပြုလုပ်ပေးမှာ ဖြစ်ပါတယ်။
လီဗာပူးအသင်းဟာ ထွက်ခွာသွားတဲ့ မာနေးရဲ့နေရာအတွက် ပေါ်တူဂီကလပ် ဘင်ဖီကာတိုက်စစ်မှူး ဒါဝင်နူနက်ဇ်ကို ကလပ်စံချိန်တင်ပြောင်းရွှေ့ကြေးနဲ့ ပြန်လည်အားဖြည့်ထားပါတယ်။
အသက် ၃၀ ရှိ မာနေးဟာ လီဗာပူးနဲ့ ၆ နှစ်တာကာလအတွင်းမှာ စုစုပေါင်း ၂၆၉ ပွဲကစားခဲ့ပြီး ဂိုး ၁၂၀ သွင်းယူပေးခဲ့သလို ပရီးမီးယားလိဂ်နဲ့ ချန်ပီယံလိဂ်ဆုဖလားတွေ အပါအဝင် တခြားဆုဖလားတွေကိုလည်း ရယူပေးခဲ့ပါတယ်။
