close

ရုရှားနှင့် ယူကရိန်း စစ်သုံ့ပန်းလဲလှယ်

ယူကရိန်းအစိုးရဟာ ရုရှားကျူးကျော်ဝင်ရောက်ပြီးတဲ့နောက် အကြီးမားဆုံး စစ်သုံ့ပန်းလဲလှယ်မှုကို ဇွန် ၂၉ ရက်က ဆောင်ရွက်ခဲ့ပါတယ်။

မာရီယူပိုးမြို့က သံမဏိလုပ်သားတွေကို ကာကွယ်ပေးခဲ့တဲ့ စစ်သား ၉၅ ယောက် အပါအဝင် စစ်သား ၁၄၄ ယောက်ကို လွှတ်တာသေချာအောင် ဆောင်ရွက်ခဲ့တယ်လို့ ယူကရိန်း စစ်ထောက်လှမ်းရေးအေဂျင်စီက ပြောပါတယ်။

ပြန်လွတ်လာတဲ့ ယူကရိန်းနိုင်ငံသား အများစုဟာ သေနတ်ဒဏ်ရာတွေ၊ ကျည်စထိမှန် ဒဏ်ရာတွေ၊ မီးလောင်ဒဏ်ရာတွေ၊ အရိုးကျိုးတာတွေနဲ့ ခြေလက်အင်္ဂါ ပြတ်တောက်တာတွေ ခံစားထားရတယ်လို့ GUR လို့ လူသိများတဲ့ အေဂျင်စီက တယ်လီဂရမ်ပေါ်မှာ ကြေညာချက် ထုတ်ပြန် ဖော်ပြထားပါတယ်။

အကျဉ်းသားလဲလှယ်မှုနဲ့ပတ်သက်ပြီး ရုရှားဘက်က မှတ်ချက်မပေးခဲ့ပေမဲ့ ယူကရိန်းအရှေ့ပိုင်းက ဒန်ညက်စ်ဒေသ အကြီးအကဲက သူ့ရဲ့ တိုက်ခိုက်ရေးသမားတွေနဲ့ ရုရှားစစ်သည်တွေကို ပြန်ရဖို့ ယူကရိန်းစစ်သား ၁၄၄ ယောက်ကို လွှတ်ပေးခဲ့တယ်လို့ ပြောပါတယ်။

ယူကရိန်းနိုင်ငံ အရှေ့ပိုင်းမှာ ရုရှားနဲ့ ရုရှားအစိုးရကို လိုလားတဲ့ ခွဲထွက်ရေးသမားတွေက နောက်ထပ် ရာနဲ့ချီတဲ့ ယူကရိန်းနိုင်ငံသားတွေကို ချုပ်နှောင်ထားတယ်လို့ ယူဆထားပေမဲ့ ဘယ်နေရာမှာ ရှိနေတယ်ဆိုတာ အတိအကျ မသိရပါဘူး။

အကျဉ်းသားလဲလှယ်ရာမှာ ရုရှားက အန္တရာယ်ရှိတဲ့ လက်ယာစွန်းတပ်ရင်းလို့ ပြောထားတဲ့ အာဇော့ဗ်တပ်ရင်းက အဖွဲ့ဝင် ၄၃ ယောက်ကို လွှဲပြောင်းပေးအပ်ခဲ့ပါတယ်။ ဒါကြောင့်  ယူကရိန်းနိုင်ငံသားတွေအတွက် တခြားတိုက်ခိုက်ရေးသမားတွေကို လွှတ်ပေးဖို့ အလားအလာရှိတဲ့ သင်္ကေတလည်း ဖြစ်နေပါတယ်။

//
Up