ထိုင်ဝမ်သမ္မတ ဦးဆောင်တဲ့ DPP ပါတီက “တရုတ်၊ တရုတ်ယဉ်ကျေးမှု၊ တရုတ်ဘာသာစကားနဲ့ တရုတ်အမွေအနှစ်” ရဲ့ အရေးပါမှုကို ချေဖျက်ပြီး တရုတ်ပိုင်နက်မှ ခွဲထုတ်ကာ ကျွန်းရဲ့သမိုင်းကြောင်းကို ပြန်ရေးဖို့ ကြိုးစားနေတယ်လို့ ထိုင်ဝမ်နိုင်ငံရေးသမားနဲ့  နိုင်ငံတကာဆက်ဆံရေး ကျွမ်းကျင်သူ ဂျိုအန်နာလေးက ပြောလိုက်ပါတယ်။

ဂျိုအန်နာလေးက ဩဂုတ် ၁၂ ရက်က ထုတ်လွှင့်တဲ့ China Global Television Network (CGTN) နဲ့ တွေ့ဆုံမေးမြန်းခန်းမှာ ပြောလိုက်တာပါ။

“DPP ဟာ သမိုင်းကြောင်းကို ကမောက်ကမဖြစ်စေတဲ့ ဆူပူပုတ်ခတ်တဲ့ လှုပ်ရှားမှုတွေကို ကာလရှည်ကြာ တွန်းအားပေးနေတယ်။ ပြည်သူတွေကြား အမှန်တကယ် ဖြစ်ပျက်နေတဲ့ အရာကို ဖုံးကွယ်ဖို့ ‘ဒီမိုကရေစီ’ လို့ခေါ်တဲ့ လုပ်ဆောင်ချက်တွေကို သုံးပြီး တွန်းအားပေးနေခဲ့တယ်” လို့  ဂျိုအန်နာလေးက ပြောပါတယ်။

အမေရိကန် အောက်လွှတ်တော်ဥက္ကဋ္ဌ နန်စီပေလိုစီလို တရုတ်ဆန့်ကျင်ရေး ပြင်ပအင်အားစုတွေနဲ့ ပေါင်းပြီး ချိုက်အင်းဝမ်ဟာ တရားမျှတမှုကို ကမ္ဘာကမြင်စေဖို့ စိတ်ကူးယဉ်ထားတဲ့ ထိုင်ဝမ်ဒေသခံတွေရဲ့ အကျိုးစီးပွားကို ပိုစတေးခဲ့တယ်လို့လည်း လေးက CGTN ကို ပြောခဲ့ပါတယ်။