ဆိုဗီယက်ခေါင်းဆောင်ဟောင်း မီခေးလ်ဂေါ်ဘာချော့ဗ်ရဲ့ ရုပ်အလောင်းကို ကြည့်ရှုမယ့် ဝမ်းနည်းပူဆွေးသူတွေ စက်တင်ဘာ ၃ ရက်က တန်းစီစောင့်ဆိုင်းနေချိန်မှာ ဆန္ဒပြခဲ့တဲ့ အမျိုးသမီး တယောက်ကို လုံခြုံရေးအရာရှိတွေက ဖမ်းဆီးလိုက်ပါတယ်။

အရာရှိတွေဟာ အဲဒီအမျိုးသမီးနဲ့ သူကိုင်ဆောင်ထားတဲ့ ဆိုင်းဘုတ်ကို ဓာတ်ပုံရိုက်ပြီးတော့ ခေါ်ဆောင်သွားပါတယ်။  စာရွက်ပေါ်မှာ ဘာရေးထားတယ် ဆိုတာကို တော့မသိရသေးပါဘူး။

သြဂုတ် ၃၀ ရက်မှာ ကွယ်လွန်ခဲ့တဲ့ အသက် ၉၁ နှစ်အရွယ် ဂေါ်ဘာချော့ဗ်ရဲ့ ဈာပနကို သမ္မတ ဗလာဒီမာပူတင်ကတော့ တက်ရောက်ခြင်း မရှိဘဲ သင်္ဂြိုဟ်ဖို့ စီစဉ်ထားပါတယ်။ 

အရင်ဆိုဗီယက်ခေါင်းဆောင်တွေကို ဝမ်းနည်းဂါရဝပြုခဲ့ရတဲ့ ကရင်မလင်နန်းတော်ရှေ့က Hall of Columns ခန်းမကြီးမှာ သူ့ရဲ့ အခေါင်းကို ထားရှိပြီး အာဏာပိုင်တွေက ရုရှားနိုင်ငံသားတွေကို သူ့ရဲ့ရုပ်အလောင်းကို လူသိရှင်ကြား နှုတ်ဆက် ကြည့်ရှုခွင့်ပြုထားပါတယ်။ 

ဈာပနာအခမ်းအနားအပြီးမှာ ဂေါ်ဘာချော့ဗ်ရဲ့အလောင်းကို မော်စကိုမြို့ရှိ နိုဗိုဒီဗီချီ သုသာန်မှာ လွန်ခဲ့တဲ့ ၂၃ နှစ်က ကွယ်လွန်သွားခဲ့တဲ့ သူ့ချစ်ဇနီး ရိုင်ဆာရဲ့ အုတ်ဂူဘေးမှာ မြှုပ်နှံသင်္ဂြိုဟ်မှာဖြစ်ပါတယ်။