မက္ကဆီကိုတွင် Kay မုန်တိုင်း တိုက်ခိုက်မှုကြောင့် လူ ၃ ဦး သေဆုံး
မက္ကဆီကိုနိုင်ငံရဲ့ ပစိဖိတ်ကမ်းရိုးတန်းကို စက်တင်ဘာ ၄ ရက်က Kay မုန်တိုင်း ဝင်ရောက်တိုက်ခတ်ခဲ့ရာမှာ အနည်းဆုံး လူ ၃ ဦး သေဆုံးခဲ့တယ်လို့ ဒေသဆိုင်ရာ အာဏာပိုင်တွေက ပြောပါတယ်။
စက်တင်ဘာ ၃ ရက်က မိုး စတင်ရွာသွန်းခဲ့ပြီး အကာပူလ်ကိုမှာ လေပြင်းတိုက်ခတ်မှုကြောင့် သစ်ပင်တွေ ပြိုလဲကုန်ပြီး ဓာတ်အားပြတ်တောက်ခဲ့ပါတယ်။ ဂွါရယ်ရိုပြည်နယ် မြို့ပြကာကွယ်ရေးရဲ့ အဆိုအရ ရေလွှမ်းမိုးမှုကြောင့် အကာပူလ်ကိုရဲ့ ကျေးလက်ဒေသမှာ ရေကြီးရေလျှံတဲ့နောက်ကို မျောပါသွားတဲ့ မော်တော်ယာဉ်ထဲရှိ အရွယ်ရောက် လူကြီး ၂ ဦးနဲ့ ကလေးတစ်ဦး သေဆုံးခဲ့ကြောင်း သိရပါတယ်။
ဒီမုန်တိုင်းဟာ ဂွါရယ်ရိုကမ်းရိုးတန်းကနေ ဝေးရာကို ရွေ့လျားလာတဲ့ ဖြစ်စဉ်တစ်ခုဖြစ်ပြီး မိုးရွာသွန်းမှုအဆင့်က လျော့ကျသွားနိုင်ပေမဲ့ မိုးရေချိန် ၁၄ စင်တီမီတာအထိ ရှိခဲ့တယ်လို့ ဂွါရယ်ရိုပြည်နယ် အရပ်ဘက်ကာကွယ်ရေးဒါရိုက်တာ ရောဘတ်တို အာရိုယိုက ပြောပါတယ်။
မုန်တိုင်းကေးဟာ မက္ကဆီကိုနိုင်ငံ ပစိဖိတ်ကမ်းရိုးတန်းတလျှောက် ပိုမိုအားကောင်းလာမှာ ဖြစ်ပြီးတော့ မိုးသည်းထန်စွာ ရွာသွန်းပြီး လေပြင်းတိုက်နှုန်း တစ်နာရီကို ကီလိုမီတာ ၉၀ ကနေ ၁၁၀ အထိ ဖြစ်ပေါ်စေမယ် လို့ မက္ကဆီကို အမျိုးသား မိုးလေဝသစနစ်က ပြောထားပါတယ်။
