ဗြိတိန်ဘုရင်မကြီး အဲလိဇဘက် (၂)၊  အသက် ၉၆ နှစ်ဟာ စက်တင်ဘာ ၈ ရက် မွန်းလွဲပိုင်းက   ဘယ်လ်မိုရယ်မှာ အေးအေးချမ်းချမ်းနဲ့  ကွယ်လွန်သွားပြီဖြစ်တယ်လို့ ဘက်ကင်ဟမ်နန်းတော်က ကြေညာပါတယ်။

ဘုရင်မကြီး အဲလိဇဘက်ဟာ ၁၉၅၂ ခုနှစ်မှာ စတင် နန်းတက်ခဲ့ပြီး  ဗြိတိန်ထီးနန်းကို နှစ်ပေါင်း ၇၀ လောက်ကြာ နန်းသက်အရှည်ဆုံး စိုးစံခဲ့သူလည်းဖြစ်ပါတယ်။

ဘုရင်မကြီးရဲ့ ကျန်းမာရေး အခြေအနေဟာ ကြာသပတးနေ့မှာ စိုးရိမ်စရာဖြစ်တာကြောင့်  သူနေထိုင်ရာနေရာကို မိသားစုတွေ စုံရုံးရောက်ရှိနေကြတာပါ။ 

ဘုရင်မကြီးရဲ့ မြေးကြီး ဝီလျံလည်းရောက်ရှိနေပြီး မြေးငယ် ဟယ်ရီကတော့ လမ်းခရီးမှာ ရောက်ရှိနေပါတယ်။

ဘုရင်မကြီးကွယ်လွန်သွားတဲ့အတွက် သားအကြီးဆုံးဖြစ်တဲ့ ဝေလမင်းသားဟောင်း ချားလ်က  ဗြိတိန်ရဲ့ ဘုရင်သစ်ဖြစ်လာပြီး ဓနသဟာရ နိုင်ငံ ၁၄ နိုင်ငံရဲ့ အကြီးအကဲဖြစ်လာမှာပါ။ 

ဘုရင်သစ်ချားလ်နဲ့ သူ့ကြင်ရာတော်တို့ ဘယ်လ်မိုရယ်မှာပဲရှိနေပြီး မနက်ဖန် လန်ဒန်မြို့ကို ပြန်လာကြဖို့ရှိနေပါတယ်။