ဆီးရီးယား၌ လှေနစ်မြုပ်သေဆုံးခဲ့သည့် လက်ဘနွန်ရွှေ့ပြောင်းသူများ၏ အလောင်းများကို နေရပ်ပြန်ပို့
ဆီးရီးယားရေပြင်မှာ လှေနစ်မြုပ်ပြီး သေဆုံးသွားရတဲ့ လက်ဘနွန်က ရွှေ့ပြောင်း ဝင်ရောက်သူတွေရဲ့ ရုပ်အလောင်းတွေကို သယ်ဆောင်လာတဲ့ ဆီးရီးယား လူနာတင်ယာဉ်တွေဟာ သောကြာညပိုင်းမှာ နယ်စပ်ဖြတ်ကျော်ပြီး လက်ဘနွန်နိုင်ငံကို ပို့ဆောင်နေပါတယ်။
ဒီသီတင်းပတ်မှာ လက်ဘနွန်ကနေ ထွက်ခွာလာတဲ့ ရွှေ့ပြောင်းနေထိုင်သူတွေရဲ့လှေ နစ်မြုပ်ပြီး သေဆုံးသွားသူအနည်းဆုံး ၇၆ ဦး ရှိသွားပြီဖြစ်ပြီး စက်တင်ဘာ ၂၃ ရက်မှာလည်း ရှာဖွေရေး ဆက်လုပ်နေကြောင်း လက်ဘနွန် သယ်ယူပို့ဆောင်ရေးဝန်ကြီးက ပြောပါတယ်။
လှေပေါ်မှာ ကလေးငယ် ၄၅ ဦးလောက် လိုက်ပါလာခဲ့ပြီး ဘယ်သူမှ အသက်ရှင်ကျန်ရစ်ခြင်း မရှိကြောင်းလည်းဝန်ကြီးကပြောပေမဲ့ အရေအတွက်ကိုတော့ အတည်မပြုနိုင်သေးဘူးလို့ ဆိုပါတယ်။
အသက်ရှင်ကျန်သူ အယောက် ၂၀ ကို ဆီးရီးယားဆေးရုံတွေမှာ ကုသပေးနေပြီး အများစုမှာ လက်ဘနွန်မှာ ဒုက္ခသည်အဖြစ်နေထိုင်ကြတဲ့ ဆီးရီးယားနိုင်ငံသားတွေလို့ ပြောပါတယ်။
စီးပွားရေးဆုတ်ယုတ်မှု တိုးလာတာကြောင့် ဥရောပကိုသွားရောက်ဖို့ မျှော်လင့်ချက်နဲ့ မကြာခဏ လူပြည့်ကျပ်နေတဲ့ လှေတွေနဲ့ လက်ဘနွန်ကနေ ထွက်ခွာနေကြတာဖြစ်ပါတယ်။
