အီရန်အစိုရကို ဒဏ်ခတ်ပိတ်ဆို့မှုတွေ ရှိနေပေမဲ့ အမေရိကန်ဟာ အီရန်နိုင်ငံသားတွေအတွက်တော့ အင်တာနက်ဝန်ဆောင်မှုတွေကို တိုးချဲ့လုပ်ဆောင်နေပြီး ပွင့်လင်းမြင်သာမှုရအောင် လုပ်ပေးမယ်လို့ SpaceX အမှုဆောင်အရာရှိချုပ် အီလွန်မတ်ခ်က ပြောပါတယ်။

အီရန်မှာ ဖမ်းဆီးထိန်းသိမ်းခံထားရတဲ့ အသက် ၂၂ နှစ်အရွယ် အမျိုးသမီးတယောက် သေဆုံးပြီးနောက် နိုင်ငံတဝန်းဆန္ဒပြမှုတွေ ပေါ်ပေါက်လာချိန်မှာ  အီလွန်မတ်ခ်က အီရန်အတွက် အင်တာနက်ဝန်ဆောင်မှုပေးဖို့ အခုလို သတင်းစကားပါးလိုက်တာဖြစ်ပါတယ်။ 

အီလွန်မတ်ခ်ဟာ လိုင်စင်အသစ်နဲ့ ပတ်သက်ပြီး နိုင်ငံခြားရေးဝန်ကြီး ဘလင်ကန်ဆီက တွစ်တာပေါ်မှာ ရေးသားထားချက်ကို "Starlink ကို အသက်သွင်းနေပြီ” ဆိုတဲ့ မှတ်ချက်နဲ့   တုံ့ပြန်ခဲ့ပါတယ်။ 

Starlink ဟာ ကုမ္ပဏီရဲ့ ဘရော့ဘန်း ဂြိုဟ်တုအင်တာနက် ဝန်ဆောင်မှုကို ရည်ညွှန်းတာ ဖြစ်ပြီး ရုရှားရဲ့ ကျူးကျော်မှုကို တိုက်ဖျက်ဖို့အတွက် ယူကရိန်းကိုလည်း ထောက်ပံ့ပေးထားပြီး ဖြစ်ပါတယ်။

သူ့ရဲ့ကုမ္ပဏီဟာ အီရန်နိုင်ငံသားတွေအတွက် Starlink ကို ပံ့ပိုးပေးသွားမှာမယ်လို့ အီလွန်မတ်ခ်က စက်တင်ဘာ ၁၉ ရက်မှာ ပြောကြားခဲ့ပါတယ်။