လာမယ့်ကာတာကမ္ဘာ့ဖလားပြိုင်ပွဲမတိုင်မီ ဘောလုံးပြန်ကစားနိုင်လိမ့်မယ်လို့ စပါးတိုက်စစ်ကစားသမား ရစ်ချာလီဆန်က ပြောပါတယ်။

ဘရာဇီးသားဟာ အဲဗာတန်ကို ၂ ဂိုး ဂိုးမရှိနဲ့ အနိုင်ရခဲ့တဲ့ပွဲစဉ်မှာ ခြေသလုံးဒဏ်ရာရရှိခဲ့တာဖြစ်ပြီး ကမ္ဘာ့ဖလားပြိုင်ပွဲကိုပါလွဲချော်ဖို့ ရှိတယ်လို့ ထင်မှတ်ခဲ့တာပါ။

ဒါပေမဲ့ ဒဏ်ရာကို စစ်ဆေးခဲ့ပြီးနောက် မျှော်လင့်ထားသလောက် ပြင်းထန်မှုမရှိတာကြောင့် နှစ်ပတ်အတွင်းမှာ ပြန်ကစားနိုင်လိမ့်မယ်လို့ ရစ်ချာလီဆန်က ပြောပါတယ်။

အလွန်ကြောက်စရာကောင်းတဲ့ ဒဏ်ရာဖြစ်ပေမယ့် နှစ်ပတ်အတွင်း ပြန်ကစားနိုင်မှာဖြစ်ပြီး မက်ဆေ့တွေပေးပို့ပြီး အားပေးစကားဆိုကြတဲ့သူတွေအားလုံးကိုလည်း ကျေဇူးတင်ကြောင်း ရစ်ချာလီဆန်ကပြောပါတယ်။

စပါးနည်းပြကွန်တီကလည်း ရစ်ချာလီဆန်ဟာ ဒဏ်ရာပြင်းထန်မှုမရှိလို့ ကမ္ဘာ့ဖလား မကစားရမှာကို စိတ်ပူနေစရာမလိုကြောင်း အတည်ပြုသွားခဲ့ပါတယ်။