အိုးထရတ်ဖို့ဒ်ကွင်းမှာ ဒီကနေ့ မနက်ပိုင်းက ယှဉ်ပြိုင်ကစားသွားတဲ့ စပါးနဲ့ပွဲစဉ်မှာ မန်ယူနိုက်တက်အသင်း ခြေစွမ်းပြကစားနိုင်ခဲ့ပြီး ၂ ဂိုး ဂိုးမရှိနဲ့ နိုင်ပွဲရခဲ့ပါတယ်။

ပြီးခဲ့တဲ့ပွဲစဉ်မှာ အဲဗာတန်ကို ဂိုးမရှိသရေသာကစားနိုင်ခဲ့တဲ့ ယူနိုက်တက်ဟာ စပါးနဲ့ပွဲမှာတော့ ပုံစံကောင်းပြသခဲ့ပြီး အနိုင်ဂိုးတွေကို ဖရက်ဒ်နဲ့ ဖာနန်ဒက်စ်တို့က သွင်းယူခဲ့ပါတယ်။

မန်ယူအသင်းဟာ စပါးအသင်းဘက်ကို ကန်သွင်းချက် ၂၈ ကြိမ်အထိရှိခဲ့ပြီး  အဆုံး သတ်ပိုင်းလိုအပ်ချက်ရှိလို့သာ ၂ ဂိုးတည်းရခဲ့တာပါ။

စပါးအသင်းမှာ ရစ်ချာလီဆန်နဲ့ ကူလူဆက်စကီးတို့ မပါဝင်နိုင်ခဲ့လို့ ဟာရီကိန်းနဲ့ ဆွန်ဟောင်မင်တို့ ရုန်းကန်ခဲ့ရပြီး ဂိုးပေါက်ကန်သွင်းခွင့်သိပ်မရခဲ့ပါဘူး။

ဒီပွဲအနိုင်ကြောင့် မန်ယူအသင်းက အဆင့် ၅ နေရာမှာရပ်တည်နေပြီး ထိပ်ဆုံးက အာဆင်နယ်နဲ့ ၈ မှတ်ပဲ ကွာဟပါတယ်။

တခြားပွဲစဉ်တွေမှာတော့ လီဗာပူးက ဝက်စ်ဟမ်းကို ဒါဝင်နူညက်ဇ်ရဲ့ တစ်လုံးတည်းသောဂိုးနဲ့ အနိုင်ရခဲ့ပြီး ချဲလ်ဆီးက ဘရန့်ဖို့ဒ်နဲ့ ဂိုးမရှိသရေကျခဲ့ပါတယ်။

ဆောက်သမ်တန်က ဘုန်းမောက်ကို တစ်ဂိုးဂိုးမရှိနဲ့အနိုင်ရခဲ့သလို နယူးကာဆယ်ကလည်း အဲဗာတန်ကို အိမ်ကွင်းမှာ အမှားအယွင်းမရှိနိုင်ပွဲရယူနိုင်ခဲ့ပါတယ်။