ကိုရီးယားကျွန်းဆွယ်ရဲ့ အနောက်ဘက်ကမ်းရိုးတန်းမှာ အောက်တိုဘာလ ၂၄ ရက်က မြောက်ကိုရီးယားနဲ့ တောင်ကိုရီးယားတို့ အပြန်အလှန် သတိပေးပစ်ခတ်ခဲ့ပါတယ်။

သူတို့ရဲ့ အနောက်ပင်လယ် ရေကြောင်း နယ်နိမိတ်ကို ချိုးဖောက်တယ်လို့ အပြန်အလှန်စွပ်စွဲရင်း စစ်ရေးတင်းမာမှုတွေ မြင့်တက်နေတာပါ။

တောင်ကိုရီးယား ရေတပ်သင်္ဘောတစ်စင်းက မြောက်ပိုင်းနယ်နမိတ်မျဉ်း NLL ကို ချိုးဖောက်ပြီး အမည်မသိသင်္ဘောတစ်စင်းကို ခြေရာခံဖို့ အကြောင်းပြလို့ သတိပေးပစ်ခတ်ပြီးတဲ့နောက် အမြောက် ၁၀ စင်း ပစ်ခတ်ခဲ့တယ်လို့ မြောက်ကိုရီးယားစစ်တပ်က ပြောပါတယ်။

NLL ကို ဖြတ်ကျော်လာတဲ့ မြောက်ကိုရီးယား ကုန်သင်္ဘောတစီးကို မနက် ၃ နာရီ ၄၀ မိနစ် ဝန်းကျင်မှာ သတိပေးချက်တွေ ထုတ်လွှင့်ခဲ့ပြီး သတိပေး ပစ်ခတ်ခဲ့တယ်လို့ တောင်ကိုရီးယား ပူးတွဲစစ်ဦးစီးချုပ်ရုံး (JCS) က ပြောပါတယ်။

မြောက်ကိုရီးယားဟာ အခုနှစ်အတွင်း မကြုံစဖူး အရှိန်အဟုန်နဲ့ လက်နက်တွေ စမ်းသပ်ခဲ့ပြီး တင်းမာမှု ဆူပွက်နေရာက နောက်ဆုံးပစ်ခတ်မှု ဖြစ်ပွားခဲ့တာလည်း ဖြစ်ပါတယ်။