ရော်နယ်ဒိုကို ခေါ်ရန် နာပိုလီ စိတ်ဝင်စား

အီတလီစီးရီးအေကလပ် နာပိုလီအသင်းဟာ မန်ယူအသင်းမှာ အဆင်မပြေဖြစ်နေတဲ့ တိုက်စစ်မှူး စီရော်နယ်ဒိုကိုခေါ်ယူဖို့ စိတ်ဝင်စားနေပါတယ်။
နာပိုလီဟာ အခုနှစ်ရာသီ စီးရီးအေ ၁၁ ပွဲ ကစားအပြီးမှာ ၉ ပွဲနိုင် ၂ ပွဲ သရေ၊ ရှုံးပွဲ မရှိနဲ့ အမှတ်ပေးဇယားကို ဦးဆောင်နေပြီး ချန်ပီယံလိဂ်မှာလည်း ရာနူန်းပြည့်နိုင်ပွဲနဲ့ နောက်တဆင့် တက်ရောက်ထားတာပါ။
The Sun သတင်းစာရဲ့ ဖော်ပြချက်အရ ရော်နယ်ဒိုဟာ မန်ယူအသင်းမှာ အဆင်မပြေ ဖြစ်နေတာကြောင့် လာမယ့် အပြောင်းအရွှေ့မှာ စီးရီးအေဆီပြန်ဖို့ စဉ်းစားနိုင်ပြီး နာပိုလီက ကမ်းလှမ်းမယ်ဆိုရင် လက်ခံဖို့ ရှိပါတယ်။
ဒါပေမယ့် နာပိုလီဆီပြောင်းရွှေ့မယ်ဆိုရင် လုပ်ခလစာ ဖြတ်တောက် ခံရနိုင်ခြေရှိတာက အတားအဆီး တစ်ခု ဖြစ်လာဖွယ် ရှိတယ်လို့ ဆိုပါတယ်။
ဒါပေမယ့် စီးရီးအေနဲ့ အသာကျပြီးသားဖြစ် သလို ချန်ပီယံလိဂ်မှာလည်း အခြေအနေ ကောင်းမွန် နေတဲ့ နာပိုလီကို ပြောင်းရွှေ့ဖို့ ရော်နယ်ဒိုဘက်ကလည်း စိတ်ဝင်စားနိုင်ကြောင်း မီဒီယာတွေက သုံးသပ်ရေးသားခဲ့ကြပါတယ်။