လက်ယာစွန်းနိုင်ငံရေး လှုပ်ရှားမှုတွေ၊ ညွန့်ပေါင်းအဖွဲ့တွေနဲ့ ကွန်မြူနစ်ပါတီတို့ တနေရာတည်းမှာ ဆန္ဒထုတ် ဖော်ပြီးတဲ့နောက် နှစ်ရက်အကြာ အောက်တိုဘာ ၃၀ ရက်က ချက်နိုင်ငံ ပရာ့ဂ်မြို့ ပင်မရင်ပြင်မှာ သောင်းနဲ့ချီတဲ့ ချက်နိုင်ငံသားတွေ စုဝေးဆန္ဒပြခဲ့ကြပါတယ်။

ချက်သမ္မတနိုင်ငံ၊ အမေရိကန်၊ နေတိုးနှင့် ယူကရိန်းအလံတွေကို ဝှေ့ယမ်းနေတဲ့ လူအုပ်ကြီးဟာ ရုရှားနှင့် ရုရှားကို တိုက်တဲ့ စစ်ပွဲအတွင်း ယူကရိန်းကို ထောက်ခံကြောင်း ကြွေးကြော်ခဲ့ကြ ပါတယ်။

ခုဆန္ဒပြပွဲဟာ ဓာတ်ငွေ့ထောက်ပံ့ရေး ရုရှအစိုးရနဲ့ တိုက်ရိုက်ဆွေးနွေးဖို့ အောက်တိုဘာ ၂၈ ရက်က ဥရောပသမဂ္ဂနဲ့ နေတိုးကို တောင်းဆိုဆန္ဒပြပွဲနဲ့ ဆန့်ကျင်ဘက်ဖြစ်တဲ့ Million Moments for Democracy အဖွဲ့က စီစဉ်ခဲ့တာပါ။

စွမ်းအင် စျေးနှုန်း ကြီးမြင့်မှုနဲ့ ယူကရိန်းစစ်ပွဲကြောင့် ဒီမိုကရေစီရဲ့ အနာဂတ်က စိုးရိမ်စရာ ဖြစ်နေတယ်လို့ ဆန္ဒပြပွဲ ဦးဆောင်သူတွေက ပြောပါတယ်။ ဒါ့အပြင် နိုင်ငံထဲမှာ ဖြစ်ပျက်နေတာတွေကို အာရုံစိုက်နေဖို့ တိုက်တွန်းခဲ့တဲ့ ယူကရိန်းသမ္မတကတော် အိုလေနာ ဇလန်းစကီးရဲ့ ဗွီဒီယိုကိုလည်း ဆန္ဒပြသူတွေကို ပြသခဲ့ပါတယ်။

ယူကရိန်းစစ်ပွဲကြောင့် စွမ်းအင်စျေးနှုန်းကြီးမြင့်နေလို့ စားသုံးသူတွေနဲ့ စီးပွားရေးလုပ်ငန်းတွေ အတွက် စွမ်းအင်ကုန်ကျစရိတ်တွေ တိုးလာပြီး ဒီအခြေအနေကို တွန်းလှန်ဖို့ ဥရောပတဝန်းက အစိုးရတွေအပေါ်လည်း ဖိအားတွေ တိုးလာခဲ့ပါတယ်။