အိန္ဒိယနိုင်ငံ၊ ဂူဂျာရတ်မှာ တံတားပြိုကျလို့ သေဆုံးသူဦးရေ ၁၃၄ ယောက်အထိ မြင့်တက်လာပြီလို့ ဒေသန္တရအစိုးရ အရာရှိတဦးက ပြောကြားလိုက်ပြီး ကယ်ဆယ်ရေးအဖွဲ့တွေက ပျောက်နေသူတွေကို ဆက်လက်ရှာဖွေနေပါတယ်။

ဒီဖြစ်ရပ်နဲ့ပတ်သက်တဲ့ ကြေကွဲဖွယ်ဖြစ်ရပ်ကို စုံစမ်းစစ်ဆေးဖို့ အမှုဖွင့်ထားတယ်လို့ ဂူဂျာရတ်ပြည်နယ် ပြည်ထဲရေးဝန်ကြီး ဟာ့ရှ် စန်ဂါဗီက သတင်းထောက်တွေကို ပြောကြားလိုက်ပြီး တံတားဖြတ်သန်းမှုကို တာဝန်ယူလုပ်ကိုင်နေတဲ့ ကန်ထရိုက် မန်နေဂျာနဲ့ လက်မှတ်ရောင်းသူ အပါအဝင် ၉ ‌ေယာက်ကို ဖမ်းဆီးလိုက်ပါတယ်။

မော်ဘီမြို့ မာချူမြစ်ပေါ်က မီတာ ၂၃၀ ရှည်တဲ့တံတားဟာ ဒီပါဝလီပွဲတော်ရက်အတွင်း အောက်တိုဘာ ၃၀ ရက်က ပြိုကျခဲ့လို့ လူတွေ မြစ်ထဲကျခဲ့ပါတယ်။ မြစ်ထဲပြုတ်ကျသူ အများစုက ကလေးငယ်တွေလို့ မျက်မြင်သက်သေတွေက ပြောပါတယ်။

ကိုလိုနီခေတ်ကတည်းက ဆောက်လုပ်ခဲ့တဲ့ အဆိုပါတံတားကို ပြီးခဲ့တဲ့သီတင်းပတ်က အများပြည်သူအတွက် ပြန်မဖွင့်မီ ခြောက်လကြာ ပိတ်ထားခဲ့ရတာပါ။