ဗင်နီဇွဲလားတွင် မြေပြိုမှုကြောင့် ၇ ဦးထက်မနည်းသေဆုံး

ဗင်နီဇွဲလားနိုင်ငံ အန်ဇွာတယ်ဂီပြည်နယ်မှာ မိုးသည်းထန်စွာရွာသွန်းမှုကြောင့် ရေကြီးရေလျှံမှုနဲ့ မြေပြိုမှုတွေဖြစ်ပွားခဲ့လို့ လူ ၇ ဦးထက်မနည်း သေဆုံးခဲ့ကြောင်း အုပ်ချုပ်ရေးမှူး လူးဝစ်စ် မာကာနိုက နိုဝင်ဘာ ၄ ရက်မှာ ပြောကြားခဲ့ပါတယ်။
ပွာတိုဒီလာခရုဇ်မြို့မှာ ရွှံ့တွေနဲ့ အပျက်အစီးတွေက လမ်းတွေကို ဖုံးလွှမ်းနေပြီး နေအိမ်နဲ့ ကားတွေ ထိခိုက်ပျက်စီးခဲ့ပါတယ်။
ပြည်နယ်အာဏာပိုင်တွေဟာ လမ်းတွေရှင်းလင်းရေးကို စတင်လုပ်ဆောင်နေပြီး မြေပြိုမှုကြောင့် ဖြစ်ရတဲ့ ပျက်စီးဆုံးရှုံးမှုတွေကို စတင်အကဲဖြတ်တော့မယ်လို့ မာကာနိုက ပြောကြားခဲ့ပါတယ်။
အသေအပျောက်စာရင်းထဲမှာ ဂွမ်တာစည်ပင်သာယာနယ်မြေမှာ နိုဝင်ဘာ ၃ ရက်က သေဆုံးသွား တဲ့ အသက်တနှစ်အရွယ် ကလေးငယ်တဦးလည်း ပါဝင်ခဲ့ပါတယ်။