အာဖဂန်နစ္စတန်မြောက်ပိုင်းမှာ ရေနံလုပ်သားတွေ တင်ဆောင်လာတဲ့ ယာဉ်တစီး ဒီဇင်ဘာ ၆ ရက်က ပေါက်ကွဲမှုဖြစ်ပြီး အနည်းဆုံး လူ ၇ ဦး သေဆုံးခဲ့တယ်လို့ ရဲတပ်ဖွဲ့က ပြောပါတယ်။

ဟိုင်ရာတန် ရေနံဝန်ထမ်းများပိုင် ဘတ်စ်ကားတစီး ပေါက်ကွဲသွားတာဖြစ်ပြီး အနည်းဆုံး ၆ ဦး ဒဏ်ရာရရှိခဲ့ကြောင်း မြောက်ပိုင်း ဘော့လ်ခ်ပြည်နယ်မှ ရဲအရာရှိတဦးက ပြောပါတယ်။

လမ်းဘေးမှာ စားသောက်ဖွယ်ရာဆိုင်လေး ဖွင့်ထားတဲ့ အမ်ရူလာက မနက်အစောကြီး သူ ဆိုင်ထိုင်နေတုန်း ၄၀၄ ဘတ်စ်ကား ဝင်လာတာဖြစ်ပြီးတော့ ကားထဲမှာ ထိုင်တဲ့လူတွေက အစိုးရဝန်ထမ်းတွေလို့ ထင်ကြောင်းနဲ့ ရုတ်တရက် ဘတ်စ်ကားက ပေါက်ကွဲသွားတယ်လို့ ရိုက်တာကို ပြောပြပါတယ်။

ပေါက်ကွဲမှုဖြစ်ရတဲ့ အကြောင်းရင်းကို ချက်ချင်းမသိရသေးဘဲ စုံစမ်းစစ်ဆေးမှုတွေ လုပ်ဆောင်နေတယ်လို့ ရဲတပ်ဖွဲ့က ပြောပါတယ်။