ကလေးမြို့နယ် မြောက်စည်ရွာရဲစခန်း တိုက်ခိုက်ခံရ၊ ၃ ဦး သေဆုံး
စစ်ကိုင်းတိုင်း ကလေးမြို့နယ်တောင်ပိုင်း၊ ကျော်ရွာအုပ်စုမှာရှိတဲ့ မြောက်စည်းကျေးရွာ ရဲစခန်းမှာ တပ်စွဲနေတဲ့ စစ်ကောင်စီတပ်သားတွေနဲ့ တာဝန်ကျရဲတပ်သားတွေကို CDF-KKG အဖွဲ့က ချုံခို တိုက်ခိုက်ခဲ့တယ်လို့ ဒေသခံတွေက ပြောပါတယ်။
ဒီဇင်ဘာ ၁၀ ရက် တိုက်ခိုက်မှုအတွင်း စစ်ကောင်စီဘက်က ထိခိုက်ကျဆုံးသူတွေရှိခဲ့သလို ဒဏ်ရာရသူတွေလည်းရှိခဲ့ပြီး CDF-KKG ဘက်ကတော့ ထိခိုက်ကျဆုံးသူတွေ မရှိဘူးလို့ အဖွဲ့ တာဝန်ခံက ပြောပါတယ်။
"စစ်ကောင်စီဘက်က စစ်သားနဲ့ ရဲတပ်သား ၃ ဦး ကျဆုံးပြီး ၃ ယောက် ဒဏ်ရာရ သွားတာကို မြင်ခဲ့ရတယ်။ သူတို့တွေ စခန်းတွင်းကို ပြန်သယ်သွားကြတာ။ စခန်းကနေ ထပ်ပြီး စစ်ကူလာတဲ့ စစ်သားတွေနဲ့လည်း မိနစ် ၂၀ လောက် ထပ်ဆင့်ပစ်ခတ်မှုတွေ ရှိခဲ့သေးတယ်။"
တိုက်ပွာဖြစ်ပွားရာ မြောက်စည်းကျေးရွာက ရွာသူရွာသားတွေအနေနဲ့ ထွက်ပြေး တိမ်းရှောင်တာမျိုး မရှိဘဲ မိမိနေအိမ်မှသာ ပုန်းအောင်းနေကြတယ်လို့ မြောက်စည်းရွာက ဒေသခံတဦးက ဒီဗွီဘီကိုပြောပါတယ်။
အခုတိုက်ခိုက်မှုနောက်ပိုင်းတွင်လည်း CDF-KKG တပ်ဖွဲ့အနေနဲ့ မိမိတို့လှုပ်ရှားရာ နယ်မြေ ဧရိယာအတွင်း တပ်စု၊ တပ်ရင်း၊ တပ်ခွဲအလိုက် တိုက်ခိုက်မှုတွေလည်း ဆက်လက်လုပ်ဆောင် မယ်လို့ အသိပေးထုတ်ပြန်ထားပါတယ်။
မြောက်စည်းကျေးရွာ ရဲစခန်းတိုက်ခိုက်ခံရတာကြောင့် စစ်ကောင်စီဘက်က ထိခိုက်ကျဆုံးအခြေအနေကို ဒီဗွီဘီက သီးခြားအတည်မပြုနိုင်သေးပါဘူး။
ဓာတ်ပုံ-Chinland Defense Force- Kalay Kabaw Gangaw(CDF-KKG)တပ်ဖွဲ့ရဲ့ စစ်ရေးလှုပ်ရှားမှုပုံရိပ်
