အာဂျင်တီးနားတိုက်စစ်မှူး မက်ဆီဟာ ပီအက်စ်ဂျီအသင်းနဲ့ စာချုပ်သက်တမ်းတိုးဖို့ သဘောတူညီမှု ရသွားပါတယ်။ 

မက်ဆီနဲ့ ပီအက်စ်ဂျီအသင်းတို့ရဲ့ လက်ရှိစာချုပ်သက်တမ်းက အခုနှစ်ရာသီ အကုန်မှာ ကုန်ဆုံးမှာပါ။ 

ကမ္ဘာ့ဖလားပြိုင်ပွဲအပြီးမှာတော့ စာချုပ်သက်တမ်းတိုးဖို့ မက်ဆီဘက်က ခေါင်းညိတ်ခဲ့ပြီး နောက်ထပ်တစ်နှစ်သက်တမ်းတိုးခွင်လည်း ပါဝင်တယ်လို့ သိရပါတယ်။ 

ဒါကြောင့် မက်ဆီဟာ ၂၀၂၅ ခုနှစ်အထိ ပီအက်စ်ဂျီမှာ ဆက်ရှိနိုင်ပါတယ်။ ဘာစီလိုနာဘက်က မက်ဆီကို ပြန်ခေါ်မယ်လို့ သတင်းထွက်ခဲ့ပေမယ့် ကမ်းလှမ်းမူတော့မရှိခဲ့ဘူးလို့ မီဒီယာတွေက ဖော်ပြခဲ့ကြပါတယ်။ 

မက်ဆီဘက်ကလည်း ပဲရစ်မှာအဆင်ပြေနေတာကြောင့် ဘာစီလိုနာကိုပြန်သွားဖို့ စိတ်ကူး မရှိတော့ကြောင်း စပိန်ဂျာနယ်လစ် ဂီလင်ဘာလာဂေ့ချ်က ဘီဘီစီအားကစားအစီအစဉ်နဲ့ အင်တာဗျူးမှာ ပြောခဲ့ပါတယ်။