ထိုင်းနိုင်ငံအလယ်ပိုင်း ဆင်းပူးရီးခရိုင် ဘန်းရကျန်းမြို့နယ်ရှိ ကျောင်းတိုက်  ၁ တိုက်က ကျောင်းထိုင်ဆရာတော်ကို မူးယစ်ဆေးဝါးသုံးစွဲမှုနဲ့တာဝန်ရှိသူတွေက မနေ့ညက ဖမ်းဆီးလိုက်ပါတယ်။ 

ရဲတွေဟာ ဒီမတိုင်ခင်ရှေ့က မူးယစ်တရားခံတဦးကို ဖမ်းဆီးရမိပြီးနောက် ကွင်းဆက်စစ် ဆေးမေးမြန်းရာမှာ စိတ်ကြွဆေးပြားတွေကို ဘုန်းကြီးကျောင်းမှာလည်း ဖြန့်ဖြူးရောင်းချခဲ့တယ် လို့ ဖြောင့်ချက်ပေးခဲ့ပြီး  LINE app ကနေ ဆရာတော်မှ စိတ်ကြွဆေးပြား ၂၀၀ ကို မှာယူခဲ့တဲ့ အထောက်အထားနဲ့ ဆရကျဲင့်ရပ်ကွက်ရှိ ဆာမတ်ခီးထမ်းကျောင်းတိုက်ကို လာရောက်စစ်ဆေး ခဲ့တာပါ။ 

တာဝန်ရှိသူတွေဟာ ညနေ ၄ နာရီကတည်းက ကျောင်းတိုက်ကိုရောက်လာပေမယ့် ကျောင်းထိုင် ဆရာတော်က အစစ်ဆေးမခံဘဲ အမျိုးမျိုးလှည့်ပတ်တိမ်းရှောင်နေခဲ့ပါတယ်။ ရွာသားတွေ စုဝေးရောက်ရှိလာပြီး ကျောင်းထိုင်ဆရာတော်ဟာ သူ့ကုဋီထဲမှာသာ အနေများပြီး ဘယ်သူမှ အဝင်မခံသလို စီစီကင်မရာတွေလည်း အနှံ့တပ်ထားကြောင်း၊ သူ့ကို မသင်္ကာဖြစ်တာ ၂ နှစ် ကျော်ပြီဆိုပြီး ဖမ်းဆီးဖို့ အော်ဟစ်နေကြပါတယ်။ 

ဆရာတော်ကို ဆီးစစ်ခိုင်းရာမှာလည်း ဆီးမထွက်ဘူးလို့ ငြင်းဆိုတာကြောင့် ရဲစခန်းကိုခေါ်သွားပြီး စစ်ဆေးခဲ့ပါတယ်။ 

ဆီးစစ်ချက်မှာ ခရမ်းရောင်ထွက်ပြီး ဆေးဆရာဝန်ကလည်း မူးယစ်ဆေးသုံးစွဲကြောင်း အတည်ပြု တာကြောင့် နောက်ဆုံး ဆရာတော်က သုံးစွဲကြောင်း ဝန်ခံလိုက်ပါတယ်။

သူ့ရဲ့ကုဋီထဲကို မွှေနှောက်ရှာဖွေရာမှာ စိတ်ကြွဆေး ၁၉၈ ပြားနဲ့ ရေပုံးထဲမှာလည်း မူးယစ်ဆေး ထိုးကရိယာကို ရှာဖွေတွေ့ရှိခဲ့ပါတယ်။ 

ဆရာတော်က အဲဒီဆေးတွေကို တဦးတည်းသာ သုံးစွဲကြောင်း၊ ထပ်ဆင့်ရောင်းချခြင်းမရှိကြောင်း၊ သူ့အနေနဲ့ ကြာကြာနေမှ ၁ ပြားသာသုံးပြီး ခဏခဏမဝယ်ရအောင် တခါတည်း များများဝယ်ထား တာလို့ ဖွင့်ဟဝန်ခံသွားပါတယ်။ 

(ရေးပြီး) 

ကိုးကား - pptv