အမေရိကန် နိုင်ငံစုံကုမ္ပဏီ Amazon ဟာ လုပ်သားအင်အားလျှော့ချတဲ့အနေနဲ့ ဝန်ထမ်းပေါင်း ၁၈,၀၀၀ ကျော်အထိ အလုပ်ရာထူးနေရာတွေကနေ ရပ်စဲဖို့ရှိတယ်လို့ ကုမ္ပဏီ စီအီးအို အမှုဆောင်အရာရှိချုပ် အန်ဒီဂျက်စီက ဇန်နဝါရီ ၄ ရက်မှာ ကြေညာချက်ထုတ်ပြန် ပြောပါတယ်။ 

ဇန်နဝါရီ ၁၈ ရက်ကစပြီး ဝန်ထမ်းတွေကို အလုပ်ကနေထုတ်ပယ်မှုတွေဟာ ကုမ္ပဏီရဲ့ အင်တာနက်ပေါ်က အရောင်းအဝယ်လုပ်ငန်းတွေနဲ့ လူ့စွမ်းအားအရင်းအမြစ်အဖွဲ့အစည်းတွေကို ကြီးမားတဲ့ သက်ရောက်မှုရှိလိမ့်မယ်လို့လည်း ပြောပါတယ်။

Amazonဟာ သူ့ရဲ့လုပ်သားအင်အား ၆ ရာခိုင်နှုန်းဖြစ်တဲ့ လူပေါင်း ၃ သိန်းကို အလုပ်ရပ်နား လိုက်ပြီး လက်လီရောင်းချသူတွေအတွက်လည်း သူတို့ရဲ့အရည်အချင်းတွေကို ပြင်းပြင်းထန်ထန် ယှဉ်ပြိုင်ဖို့ သူတို့ရဲ့ အခြေခံလစာကို ၂ ဆတိုးပေးခဲ့ပါတယ်။  ကုမ္ပဏီရဲ့ စတော့ရှယ်ယာ အရောင်းအဝယ်တွေဟာ နာရီပိုင်းအတွင်း ၂ ရာခိုင်နှုန်း တက်သွားပါတယ်။

ငွေကြေးဖောင်းပွမှု မြင့်မားလာတာကြောင့် စီးပွားရေးလုပ်ငန်းတွေနဲ့ စားသုံးသူတွေဟာ သူတို့ရဲ့ အသုံးစရိတ်ကို လျှော့ချရဖို့ ဖြစ်လာခဲ့ပြီး Amazon ရဲ့ ရှယ်ယာစျေးနှုန်းကလည်း ပြီးခဲ့တဲ့နှစ်မှာ ထက်ဝက်ကျဆင်းခဲ့ပါတယ်။ 

ကုမ္ပဏီဟာ သူ့ရဲ့စက်ကိရိယာဌာနမှ ဝန်ထမ်းတွေကို နိုဝင်ဘာလမှာ အလုပ်စဖြုတ်ခဲ့တာဖြစ်ပြီး လူ ၁၀၀၀၀ လောက်ကို အလုပ်ဖြုတ်ဖို့  သတ်မှတ်ထားကြောင်း အဲဒီအချိန်ကတည်းက ရိုက်တာကို သတင်းရင်းမြစ်က ပြောပြခဲ့ပါတယ်။ 

Amazon ဟာ ကိုဗစ်ကပ်ရောဂါ ကာလအတွင်း လော့ဒေါင်း ချထားတဲ့ အိမ်တွေဆီ ကုန်ပစ္စည်းတွေ ပေးပို့ဖို့ မရှိမဖြစ် ဝန်ထမ်းခန့်အပ်မှုပုံစံကနေ ဝယ်လိုအားအတွက် လုပ်သားအင်အားကို အလွန်အကျွံ ပိုလျှံခန့်အပ်ထားတဲ့ စီးပွားရေးပုံစံကို ပြောင်းလဲခဲ့ပါတယ်။ 

Amazon မှာ ဂိုဒေါင်ဝန်ထမ်းတွေ အပါအဝင် အလုပ်သမား ၁ သန်းခွဲကျော်ရှိပြီး Walmart ကုမ္ပဏီပြီးရင် အမေရိကန်ရဲ့ ဒုတိယအကြီးဆုံး ပုဂ္ဂလိကလုပ်ငန်းရှင် ဖြစ်ပါတယ်။