ချဲလ်ဆီး၏ရည်မှန်းချက်ကို ကူညီပေးနိုင်ရန် မျှော်လင့်ဟု ယာအိုဖိလစ်ပြော
4
ချဲလ်ဆီးအသင်းရဲ့ ရည်မှန်းချက်တွေကို ကူညီပေးနိုင်ဖို့ မျှော်လင့်ကြောင်း တိုက်စစ်မှူး ယာအို ဖိလစ်က ပြောပါတယ်။
ပေါ်တူဂီတိုက်စစ်မှူးဟာ စပိန်ကလပ် အက်သလက်တီကိုကနေ ၆ လ အငှားစာချုပ်နဲ့ ပြောင်းရွှေ့လာခဲ့တာဖြစ်ပြီး ချဲလ်ဆီးအသင်းက အငှားစာချုပ်ကြေး ပေါင် ၉ သန်း ပေးချေခဲ့ရပေမဲ့ ရာသီအကုန်မှာ အပြီးသတ်ခေါ်ယူခွင့်တော့ မပါဝင်ပါဘူး။
အသင်းနဲ့အတူ စာချုပ်ချုပ်ဆိုအပြီးမှာတော့ ချဲလ်ဆီးအသင်းက ကမ္ဘာပေါ်မှာ အကြီးကျယ် အခမ်းနားဆုံး အသင်းတသင်းဖြစ်ပြီး အသင်းရဲ့ရည်မှန်းချက်တွေအတွက် ကူညီပေးနိုင်ဖို့ မျှော်လင့်ကြောင်း ဖိလစ်က ပြောပါတယ်။
“ဒီအသင်းဆီ ပြောင်းရွှေ့လာရတာ အလွန်ပဲပျော်ရွှင်ရသလို စတမ်းဖို့ဒ်ဘရစ်ချ်မှာ ကစားရမှာကလည်း စိတ်လှုပ်ရှားစရာ ကောင်းလိမ့်မယ်” လို့ ယာအိုဖိလစ်က ပြောပါတယ်။
အသက် ၂၃ နှစ်ရှိ ယာအိုဖိလစ်ဟာ ချဲလ်ဆီးအသင်းမှာ ကျောနံပါတ် ၁၁ ဝတ်ဆင်ကစားမှာ ဖြစ်ပါတယ်။
