ရုရှားနဲ့ ယူကရိန်း နှစ်နိုင်ငံအကြား စစ်သုံ့ပန်းဦးရေ ၄၀ ကို အပြန်အလှန်လဲလှယ်ဖို့ သဘောတူခဲ့တယ်လို့ ရုရှား လူ့အခွင့်အရေးကော်မရှင်နာ တာတီယားနား မော့စ်ကယ်ကိုဗာက ဇန်နဝါရီ ၁၁ ရက်မှာ ပြောပါတယ်။

မော့စ်ကယ်ကိုဗာဟာ အစိုးရ အပေါ်စုံစမ်းစစ်ဆေးသူများ နိုင်ငံတကာညီလာခံကတဆင့် ယူကရိန်း လူ့အခွင့်အရေးကော်မရှင်နာ ဒမစ်တ်ထရို လူဘီနက်စ်နဲ့ တူရကီနိုင်ငံ မြို့တော် အန်ကာရာက ဟိုတယ်တခုမှာ သီးခြားတွေ့ဆုံခဲ့ကြတာဖြစ်ပြီး ဒီ ကနဦးဆွေးနွေးမှုဟာ မိနစ် ၄၀ လောက် ကြာမြင့်ခဲ့ပါတယ်။

ယူကရိန်းရဲ့ လူဘီနက်စ်က ဒီဆွေးနွေးပွဲအတွင်း “လူသားချင်းစာနာထောက်ထားမှုဆိုင်ရာ ပြဿနာကိစ္စရပ်တွေအတွက် ယူကရိန်းနဲ့ ရုရှား ၂ နိုင်ငံစလုံးက နိုင်ငံသားတွေကို  လူ့အခွင့်အရေးအရ ကူညီထောက်ပံ့ပေးဖို့” ထည့်သွင်းပြောဆိုခဲ့တယ်လို့ လူမှုကွန်ရက်ကတဆင့် အတည်ပြုပါတယ်။

ရုရှားဘက်က မော့်စ်ကယ်ကိုဗာကလည်း အလားတူဆွေးနွေးခဲ့တယ်လို့ တယ်လီဂရမ်ကတဆင့် ပြောပါတယ်။

တူရကီသမ္မတ အာဒိုဂန်က ညီလာခံအတွက် မိန့်ခွန်းပြောဖို့ စီစဉ်ထားတဲ့ သမ္မအိမ်တော်ကိုလည်း သူတို့ ၂ ဦး သွားရောက်လည်ပတ်ဖို့ ရှိနေပါတယ်။