ဝါရင့်နောက်တန်းကစားသမား ရာမို့စ် စပိန်လက်ရွေးစင်အသင်းက အနားယူ
26
စပိန်လက်ရွေးစင်အသင်းကနေ အနားယူကြောင်း ဝါရင့်နောက်ခံလူ ဆာဂျီယိုရာမို့စ်က တရားဝင် ကြေညာသွားပါတယ်။
သူဟာ စပိန်အတွက် ၂၀၀၅ ခုနှစ်ကနေ ၂၀၂၂ ခုနှစ်အထိ ပွဲပေါင်း ၁၈၀ အထိ စံချိန်တင်ကစားပေးခဲ့ပါတယ်။
လက်ရှိစပိန်အသင်းနည်းပြချုပ် လူးဝစ်ဒီလာဖရွန်တီကလည်း ရာမို့စ်ကို ရွေးချယ်တော့မှာမဟုတ်ကြောင်း ဖုန်းနဲ့ အသိပေးခဲ့ပြီးနောက် ရာမို့စ်က အနားယူဖို့ ဆုံးဖြတ်ခဲ့တာပါ။
စပိန်နည်းပြကိုယ်တိုင်က အနာဂတ်အစီအစဉ်တွေမှာ မပါဝင်တော့ကြောင်း အကြောင်းကြားခဲ့ပြီး နောက် လက်ရှိအချိန်ဟာ အနားယူဖို့ အကောင်းဆုံးအချိန်ဖြစ်ကြောင်း ရာမို့စ်က ပြောပါတယ်။ မိခင်နိုင်ငံအသင်းကို ဆက်လက်အားပေးသွားမှာဖြစ်ပြီး ပွဲပေါင် ၁၈၀ အထိ ပွဲထွက်ခွင့်ပေးပြီး ယုံ ကြည်ခဲ့ကြတဲ့သူတွေအားလုံးကို ကျေးဇူးတင်ကြောင်း ရာမို့စ်က အင်စတာဂရမ်အကောင့် ကနေ ရေးတင်ခဲ့ပါတယ်။
သူဟာ ၂၀၁၀ ကမ္ဘာ့ဖလား၊ ၂၀၀၈ နဲ့ ၂၀၁၂ ယူရိုပြိုင်ပွဲတွေမှာ စပိန်အသင်းကို ချန်ပီယံဆု ဖလားရရှိအောင် အဓိကနေရာကနေ စွမ်းဆောင်နိုင်ခဲ့ပါတယ်။
